女人仔的小確幸

搬家後一直未能習慣廚廁由 細 變成 極細 ，一直都沒有心情不肯認真地煮一餐好的又或試一試新的菜式。就算有都只限於紙上談兵。。。 轉眼間住這蝸居六個月了，無時無刻都想著搬家的我，總也得接受還有餘下六個月的租約。為了準備三至六個月後的搬遷，總也要清理一下 積壓在魔廚內的食材 ，好等下一次搬遷時可以俐落一點！ 今天是星期一，是我的 Green Monday。 一搬 Green Monday 的日子，我都不會吃肉，而轉吃奶蛋素。  今天剛巧發現原來雪櫃還裡有一樽 黑松露醬 ！！ 今天，我就用它做了一 道 簡單的菜：   黑松露醬炒蛋 ＜材料＞ (1) 黑松露醬一湯匙 (2) 蛋二只 (3) 清水半個蛋殼份量 (4) 黑楜椒少許 (調味用) (5) 鹽少許 (調味用) (6) 芝士粉少許 (一搬食譜都是介紹用忌廉的。因為家裡沒有儲存忌廉，我就用平常食 PIZZA 用的芝士粉取代) (7) 稙物牛油兩茶匙 (我們家是不吃動物牛油的，如果你們家用動物牛油的，也可) ＜做法＞ A. 將 (2) 的蛋發開，加入 (3) B. 加入 (4) 及(5) 調味 C. 再加入 (1) 及 (6) D. 把平底鍋烘熱 E. 加入 (7) 煮溶 F.  轉慢火，倒入 C 的混合蛋漿後立即轉大火，快速兜散蛋液，約十秒後離火。此時蛋液應該呈半生熟狀態。 G. 離火略兜便可上碟。 注意： 不可待蛋液全熟才離火，否則製成品會太熟失去嫩滑口感。蛋液半生熟時離火再略兜是用鑊上的餘溫令蛋變熟。 參考來源： 黑松露醬炒蛋做法@ 樂。樂。生活 推介伸延食譜： 飲食男女 Ricky's Home Cooking 黑松露炒蛋伴芝士法包  註：食譜和照片版權均屬｢幸福小女人｣所有，如欲分享，請 列明出處： ｢幸福小女人｣ 。感謝。

好喇. 掉低咗呢個 TOPIC 好耐喇. 等我快快脆脆同大家分享埋個運動篇, 等大家都可以以 最美麗最健康的姿態做個靚靚新娘 先. 首先想分享一條 LINK. 唔知大家知唔知邊個係 補習天王 張欣欣 呢? 佢係出咗名超鍚老婆的. 佢今朝出咗篇文 講女人減肥 的. 講出佢作為男人點樣睇老婆嚷著要減肥的事. 大家 JM 開始破地獄 (進行地獄式減肥) 之前, 希望你地可以先睇一睇, 再諗一諗自己其實有冇需要減太多. 再 訂一個目標 . 記住, 我地就算要靚, 都要靚得健康, 靚得精神 , 唔要瘦猛猛疆屍咁呀. ---------- 好喇. 入正題喇. 除咗平時要食得健康之外 (看我上幾篇的 飲食篇 ) , 我堅持 減肥一定要做運動 . 記住, 係做運動, 唔係做機 (美容院的機).  由於我本人係一個 三分鐘熱度的人辦, 超怕悶, 又怕攰的人 . 所以多年嚟, 模清咗自己的性格之後, 就建立咗呢一套 rules 俾自己： 1. 堅持每一日 早晚都要各做至少十分鐘 運動. 2. 自己揀咗幾款 高中低份量唔同時間長度的運動 , 等自己每日可以隨住自己的心情去做, 唔好俾自己藉口 攰同悶. 3.. 每一日運動的份量同長短時間就要 視乎當日的身體狀況同飲食 而定, 唔好俾自己藉口 攰同悶. 4. 早上最好就係 一早醒咗, 去完廁所飲完杯水就開始做 . 唔好俾自己時間去 咪咪模模 . 因為一咪模就會冇時間, 趕住返工, 趕住出門口... 等等一大堆藉口叫自己唔好做. 5. 晚上的時段唔好 set 得太死 , 因為 好多時我地都要應酬家人朋友電視同娛樂 等等, 夜晚除咗一返到屋企後, 仲可以食飯後, 食飯前, 睡前, 甚至沖涼後做都得. 6. 每個星期都盡量抽一天, 出外一兩個鐘頭, 去戶外吸收一下清新的空氣. 其實而家市區附近都有好多緩步徑, 公園, 都可以俾我地行下. 上一篇： ｢婚前減肥｣階段 － 飲食篇(二) 下一篇： ｢婚前減肥｣階段 － 運動篇(二)

上一項： Pre-Wedding @ Spring Wedding 前日，同主人去咗我地的第二次婚展喇！ 有咗上次的經驗，又因為上次已經安排了PW，所以今次入去就好有目標咁主攻睇 旅行結婚 同 婚戒 呢兩個ITEMS。喺婚展入面，睇中咗幾個婚戒的 ITEMS，分別係 I-Primo 同 MaBelle，但係睇完有啲意猶未盡，就同主人兩個過咗 PP，諗住橫掂都係喇，一次過睇埋Van Cleef & Arpels，Cartier，同 Tiffany，咁就可以 KO 咗婚戒呢個ITEM 喇。 婚展入面有個 Sales 提咗我地一樣嘢，就係我地嚟緊一月影 PW 的時候係咪應該要帶埋對戒指架呢？！？！ 。。。 哎呀！我同主人完全忘記咗呀！！！ 因為婚戒大部份都係要訂造的，訂造的時間由一個月至半年都有；又就算有現貨，都要預幾個星期嚟刻字。。。 　突然之間，買婚戒變得 刻不容緩 喇 ！！！ 於是，我同主人喺 PP 行晒三間舖頭之後，就認真坐低開咗個會。究竟買邊個牌子好呢？買邊對好呢？最後，我地憑住以下的幾個條件：- １）我地希望牌子係一個有意思 有 history 的牌子 ， 代表 婚姻持續久遠 ２）我地堅持戒指的質料是 Platinum 鉑金 ， 代表 永恆純潔的愛情  ３）我地希望戒指的款式不單是同一系列，而且應該係要 兩隻一樣 的， 讓人一看就知道我們是 一雙一對 的 ４）我地要在 一月之前拿到婚戒 ， 等我地影 PW 的時候可以影埋對戒子   ５）我地要控制我地的 Budget   最後，我地揀咗 Van Cleef & Arpels 的 Infini Signature ： Van Cleef & Arpels 的品牌係由 Alfred Van Cleef，鑽石商人的兒子與 Esther (Estella) Arpels，珠寶商人的女兒的愛情故事開始。他們倆於 1896 年結婚，1906年就在巴黎開了第一間 VCA 的店。一直以來深受英國及摩洛哥皇室的愛戴，品牌實而不華。他們的設計及手工簡單但恆久，每一對戒指都係工匠的精心打造，因此 VCA的戒指戴上手就會有一種好貼服的感覺。 我同主人鍾情的 I...

如果你已經做得到 上篇： ｢婚前減肥｣階段 － 飲食篇( 一) 　提到的五點， 不妨就同我一齊做埋以下的啦 ： １．  每餐唔好食得太飽。 因為胃係會被食物牚大的 ，只要你唔好再牚佢，佢就會慢慢縮返細，咁你的食量就可以慢慢減少而又唔會覺得肚餓的。胃細咗，胃腩就唔會再突出嚟，咁側面睇起上嚟，身形就會好有線條架喇。 ２．  點樣可以唔好食得太飽呢？方法，就係 珍惜食物。 珍惜食物的意思就係享受自己食緊的嘢。慢慢食，食下欣賞下佢的味道。因為胃部需要時間通知腦部佢已經滿咗架。如果你係咁食係咁食，係咁質入口，到個胃部通知個腦的時候，你就已經食多咗架喇，胃，又被牚大咗架喇 。 ３．  習慣將食剩的食物打包。 如果你同自己講，我食唔晒都唔緊要，食淨一舊都可以打包。咁你就唔會再迫自己食晒枱面上的嘢架喇。咁樣一來可以唔使夾硬牚大自己個胃，二來又可以慳啲第二日的餸／飯錢，一舉兩得。通常，我地唔敢打包都係因為怕俾人話寒酸架啫，以而家咁鼓吹環保概念的社會，就更加唔使怕啦 ！ ４．  盡量少食油膩的食物 。 如果真係要食的，食完一份肥膩嘢，就食番一份蔬菜啦。咁可以等自己又食多啲蔬菜，又唔使食咁多肥膩嘢。 ５．  如果應酬食多咗，第二日就清淡一點。但記住， 千祈唔可以絕食呀 。 ６．  ＧＲＥＥＮ　ＭＯＮＤＡＹ？ 一星期一日食素係唔錯的開始，ｗｅｅｋｅｎｄ通常都會食多咗，如果星期一可以ｇｒｅｅｎ　ｍｏｎｄａｙ，俾自己多啲機會食多啲蔬菜，減輕一下腸胃的負擔。如果做唔到全日食素，一星期一餐都可以係一個好的開始呀！ ７．  再追加　 一星期一餐的白粥 。預知自己ｗｅｅｋｅｎｄ要應酬的，不妨在星期四或五的中午謝絕飯局，靜靜地食一餐白粥。如果有啲ＪＭ 同我一樣食白粥會唔舒服的 ，可以轉食小米粥，一樣清淡，而且小米對脾胃都好一點。 以上的，都係一啲 日常喺生活習慣方面調節一下注意一下就可以做到的嘢 ，我唔鼓吹大家食減肥產品或用高昂的費用參加一啲地獄式的療程。因為我真係曾經做過機，食過健康食品，試過林林種種的減肥方法，更加唔使講一定絕食過。但，親身體驗後知道， 只要飲食習慣健康啲，再加上適當的運動，減肥係唔使食餐單同唔使用好多錢的 。 需要的，只係無比的毅力同意志的堅持！ 我同...

其實十月份開始，女人仔同主人都已經開始步入咗我地的 ｢婚前減肥｣ 階段喇。 女人仔我本身在ＧＹＭ界打滾咗大大話話都有十年。全盛時期，一個星期上十幾堂ＣＬＡＳＳ，日打兩場ＣＯＭＢＡＴ踩兩場車，一日ＰＵＭＰ兩三次都不在話下，身型同耐力都令唔少男女生羨慕不已。不過，都話啦，全盛時期丫嘛，即係 後生嗰時囉 。今天不復當年勇， 肚腩更加比天高 。。。 　 　 　 雖然 身型已經大咗幾個碼 ，但以我運動多年的底子、所累積的經驗、以及一群專業教練好友在健身知識的ＢＡＣＫＵＰ下，極速修身呢樣嘢， 我有信心一定得嘅！ 首先，我會在飲食方面開始著手。 不過，因為我係一個 唔可以肚餓（會行唔郁） 的人，亦 係一個飯桶（會頭暈） ！所以，我係 絕對唔會絕食 的。所以，啲人成日問我係咪要食健康餐呀？係咪唔好食飯呀？係咪唔好食肉呀？係咪唔可以出街食飯呀？係咪因為咁所以你要ＧＲＥＥＮ　ＭＯＮＤＡＹ呀？等等呢啲問題。。。 我而家再答一次 ! ｢唔係呀！｣ ｢唔係呀！｣ ｢唔係呀！｣ 在飲食方面著手的意思係要　 調節自己的飲食 ： １． ＪＵＮＫ　ＦＯＯＤ　 不能吃 ２． ＳＯＦＴ　ＤＲＩＮＫＳ　 不能飲 ３． ＣＯＬＤ　ＤＲＩＮＫＳ　 要戒 ４． 夜食要免：即晚上九時後　 不可以吃 ５． 運動時要盡量遵守　 前一後二 　 的原則：即係運動前一小時及運動後兩小時都不可以吃。血糖補充劑例外。 其實，只要能夠做我講的以上幾點，你已經可以瘦好多架喇。睇真啲丫，其實上面呢五個ＩＴＥＭＳ除咗為減肥之外，其實都係 一啲唔健康的飲食習慣 。戒咗佢除咗會瘦之外，身體都會好啲，水腫的情況都會有所改善架 ~ 下篇：　 ｢婚前減肥｣階段　－　飲食篇( 二)

星期六嗰日, 我同主人去咗我地的第一次婚展喇.   我地本來係打算去搵一啲拍PRE-WEDDING 需要的嘢. 主要係 租衫同造型的資料喇.   行咗幾個 COUNTER 之後, 女人仔我突然就俾  SPRING WEDDING 的婚紗所吸引喇! 本來係想租衫的, 但係就覺得佢地的 PACKAGE  OUT 咗我心目中的 BUDGET. 點知同個SALES 講講下, 跟住我地竟然做咗一個本來冇諗過會做的決定! 我地買咗一個   SPRING WEDDING 的 PRE-WEDDING PACKAGE 呀!   其實我地坐在COUNTER 成個幾鐘, 問咗個SALES 好多嘢. 佢當然有佢吸引我地買PACKAGE 的方法啦. 但好老實講. 之前我聽都冇聽過SPRING WEDDING. 但, 就憑佢同淺水灣酒店的 DEAL, 同佢婚紗的料, 我已經覺得係物有所值 .   我都十五十六咗好耐. 主人見我咁鍾意, 就好爽快咁應承咗.   我真係好開心呀 !!   買完個PACKAGE 之後, 我同主人都感覺好似有一個好大的PROGRESS 咁 . 雖然, 我地仲依然係十劃都未有一PIT, 但係, 起碼我地而家知道, 我地2014年1-3月間會影PRE-WEDDING, 而嚟緊呢幾個月, 我地就要努力修身同埋做面. 要影一輯靚靚的相~   我地終於都有一個 ITEM 係有一個確確實實的日子喇!! 2014年的1月17號影相 , 而衫呢就喺嚟緊的 12月21號試身 . 不過個女仔都講得好清楚, 就係1月呢個日子係未預計到時酒店的 FUNCTION 狀況架, 如果到時酒店有FUNCTION 我地都要就佢的~ OK 吖,婚展嗰日個 SALES 已經同我地講咗架喇, 明白的, 冇問題呢~ 有咗呢兩個日子, 有咗呢個大計, 我又可以 WORK BACKWARDS 喇: 拿由而家開始, 我地有兩個月的時間去做返啲運動 KEEP下 FIT, 影起相上嚟唔使咁 "泡". 咁到十二月FITTING 時試衫就啱身啲, 到一月影時就靚靚喇!   ...