女人仔的小確幸

闊太說. 試了一支八千蚊的精華. 對雀斑好有效. 唬得眾女士們眉飛色舞. 兩眼發光. 型爸說. 問兒子想要妹妹還是弟弟. 兒子答, 姊姊. 笑得大家人仰馬翻. 拍爛手掌. ---------- 曾幾何時 赴宴的 partner 一定要男的. 死耍面子. 今晚就赴了一個宴. 找的 partner 是女的. 因為怕煩. 原本以為 今晚會是一貫的交換名片枯燥寒暄. 所以就找了女友陪陪. 打算吃吃笑笑拿了名片便閃. 怎知後來 開始了那一場拚命狂吃大戰. 更認識了一班退隱江湖的好漢! (註) 沒有交換名片!! 接著打算 既然認識了一些好漢. 放開懷抱狠狠吃餐飽喝至醉. 回家倒頭便睡罷了. 最後竟然 內有玄機暗藏機關. 又在耍弄我的腦袋... 哎呀!!! 膠著了膠著了... 失眠了... @.@!! ---------- 靚媽咪說, 是因果. 是緣份. 有 學者算過. 每個人. 在一生之中. 有機會接觸二萬個人. 那二萬個人當中. 包括了和我們擦身而過的, 和我們緊密接觸的; 也包括了我們的老朋友, 亦包括了一時三刻的知己; 包括了愛我們的人, 當然亦有傷害我們的人; 至於是那一個類別嘛, 就要看大家的緣份了... 緣份來時. 無原因地. 你和他會成為好朋友. 緣份走時. 又無原因地. 你和他會成為陌路人. 這一個統計我好喜歡. 因為會算這數的人. 都會珍惜. 就算只是談個電話. 發個短訊. 寫個電郵. 都會細膩一點. 耐心一點. 因為. 不知道明天. 我們還有沒有這個緣份坐在一起. ----------- 還未醉~ 還差很遠~ 只是喝多了 心跳了 睡不了... 註: 認識我的你. 不會還認為好漢一定是男的嘛~?

小姐, 你好. 我係 "賤盡型哥" 打嚟架. 首先, 我好多謝你選用我地 NEW TV 的服務先. 為咗報答你一直的支持... "冇喇噃..." 吓? 小姐... er... 為咗報答你一直選用我地 "賤盡型哥" 的 NEW TV... "冇用好耐喇噃..." 吓? 小姐... 唔係噃, 根據我地的紀錄, 你一直都係用緊我地 NEW TV 寬頻電視架噃... " 我兩年前已經cut 咗. 兩年前已經俾返個機頂盒你地. 呢個星期已經係第三次同你地講同一番說話. 仲有, 呢個星期我係第三次同你地講, 唔該你地 NEW TV 記低我兩年前已經唔係你地的客戶. 亦都係呢個星期第三次同你地講, 唔該你地從個call list 度 delete 咗我個電話. 唔好再打俾我喇..." ... 吓... er.... 咁唔好意思... ---------- 一次, 兩次, 三次... 同一個錯誤, 竟然可以犯三次... 今晚有人問我. 你忍耐能力有多高. 我說. 不高也不低啦. 其實, 真係睇人. 有些人. 半次已經死咗. 一刀斷頭冇理由. 有些人. 呢世我都走唔甩. 注定要一生一世為君愁. 成成的家族. 應該係後者... 因為佢的勢力, 已經雄霸整個武林. 由超市到電器. 從電話至電視. 上網又係佢. 唔上網又係佢... 近排. 可能經驗值高咗. ...人老咗又化咗... ...又明白了無常的道理... 即是... 我都應該無常一下別人...   ---------- 朋友跟我說. 我好久沒有寫了. 是呀. 真的好久了. 那... 試一試看看. 今次能夠牚多久...?