女人仔的小確幸

上星期在馬灣網店  Sohomart Mawan 買了一包 " 越南原隻熟白蜆" ，打算用來煮我好喜歡吃的 "白酒蜆肉意粉＂🥰。 這個連殼的蜆已經經過去沙煮熟，輕輕加熱調味已經可以食用，好方便呢~ 🤗 材料 (二人份) ： 意大利粉 100克 越南原隻熟白蜆 一包 ( 450g) 牛油 1/2 湯匙 橄欖油 1/2 湯匙 白酒 100 毫升 鹽 少許 黑胡椒粉 少許 調味： 蒜蓉 1 茶匙 紅椒切粒 1 隻 蔥 1 湯匙 Basil 1/2 湯匙 Parsley 1/2 湯匙 做法: 1. 煲滾水，從包裝中把 白蜆放入滾水灼三十秒 ，隨即撈起，瀝乾水份備用。 2. 再煲滾水，加入 1 茶匙鹽，把意大利粉放入滾水中。看看包裝上的建議烹調時間，減去大約 1/3 時間，烚至意粉半熟。例如，我用的是 Jamie Oliver Spaghetti，建議烚 8 分鐘至 Al Dente，我就烚 5 分鐘。(因為之後意粉仍然要再炒，烚意粉時減去大約 1/3 時間，之後炒完就不會太淋)。 3. 煮意粉的同時，用中大火燒熱鑊，加入牛油和橄欖油，煮溶後落調味爆香。 4. 上面 (2) 的意粉烚好後，倒入篩中。備用。 5. 加入 (1) 的蜆，與調味兜勻，加入白酒，加蓋煮 1 分鐘 (注意由於蜆已經預熟了，加熱時不要煮太長時間，以免太老)。 6. 加入意粉兜勻，加入少許黑胡椒調味。試味後可以酌量加少許鹽及拌些橄欖油，拌勻，便可上碟。 Recipe 參考咗  Christine's Recipes ，大家都不妨試下丫🤗

唔再食外賣，今日就快炒一個飯俾主人做 lunch，食完佢又要出去做嘢喇😖😖😖. . 材料： 1. 冷飯一碗 2. 雞蛋兩隻打好加少許鹽 3. 蝦醬香辣菜甫（網店 「伴．醬」 香港人手工製作） 4. 韓式肉粒（之前幾日的淨餸，HKTV Mall CookCookLand - 日本雪花一口豚肉 500g(急凍) ） 5. 蝦米仔少許 6. 頭抽一湯匙 做法： 1. 預熱油鑊，先炒蛋。 2. 然後加入材料 (3), (4), 及 (5) 炒香。 3. 加入冷飯繼續炒。 4. 加入頭抽少許加色。 5. 食得。😄😄😄 😀😀😀真係好簡單😀😀😀 新手注意： 1. 炒蛋前鑊一定要夠熱，唔係好容易炒老又痞鑊。 2. 落蛋前油都一定要熱，我會用竹筷子試油溫。如果油及夠熱，竹筷子放下後周圍會有油泡。 3. 如果肉粒係未煮的，炒完蛋就炒熟咗肉粒先。可以簡單用午餐肉、火腿都得。如果用生肉，炒之前先醃 (豉油糖豆粉鹽少少) 十五分鐘。 4. 炒香菜圃先落飯會香D。 #homecook #homechef #homemademeal #homemadefriedrice #hongkongstylefriedrice #hongkongstyle #hongkongstylefood #yummy #lovetocook #lovetoeat #簡單煮 #十分鐘煮好

  早幾日放假，去 Fusion 買曬D尤魚，為的就是慰勞最近工作壓力好大嘅主人 ，給他一點十卜 Copyright : 幸福小女人2020

上個星期三晚開始戒嚴，所以放工要立即衝返荒島快煮快食。經過幾日的訓練，又回到以前瘋狂煮煮煮的日子😆，《懶惰》這兩個字不是屬於我的😒😒😒。。。 今日就等我同一眾從回師 9 軌跡的靚太，一齊做一個超級簡單，好容易煮，但又營養價值好豐富的  🍃 🍃 「炒椰菜仔」Brussels Sprout  🍃 🍃 啦😊~ Copyright: 幸福小女人2020 材料： 🍃 🍃 1、椰菜仔一包（我都係  👉 HKTV Mall 👈 買） 2、蒜蓉（多少隨意，我們好喜歡食所以會用1/3個蒜頭切蓉） 3、糖 1 茶匙 4、鹽 1 茶匙 （烚菜及起鑊用） 5、料理酒 1 茶匙（上碟前撰酒） 做法： 1、椰菜仔浸水十分鐘。 2、煲滚水，落少許鹽，大火灼三分鐘，把椰菜仔灼至半熟。盛起，沖凍滾水降溫，可以避免椰菜仔繼續以自己嘅熱力煮自己。然後放一旁墘乾水份。 3、燒熱油鑊（我用 LC Marmite 黑𥚃鑊，所以要熱油熱鑊），落蒜蓉及少許鹽。爆香蒜蓉後，把墘乾水份的椰菜仔下鑊快炒約一分鐘，落少許糖，再兜兜，再落料理酒便可。 注意： 1. 步驟 (2) 的時間不可多於三分鐘，否則會太淋及黃架。 2. 如果想惹味少少，可以在爆蒜頭時落一湯匙 XO 醬，爆香 XO 醬先放椰菜仔。  ~~~~ 🍃椰菜仔 Brussels Sprouts  🍃 (資料來源：http://www.etnet.com.hk/mobile/tc/diva/beauty/gloriatsang/35565) 源於比利時，屬於十字花科蔬菜家族，學名為抱子甘藍，5 粒細細粒椰菜仔已經有3克蛋白質、3克纖維，而卡路里只有36，食蔬菜都有蛋白質。 再加上升糖指數又低，連糖尿病人士也適合。 椰菜仔含豐富維他命K、A、C、E、鉀質、抗氧化物質等等，對心臟健康及防止癌症有莫大幫助。細細粒卻營養豐盛，比起普通椰菜，椰菜仔的蛋白質、維他命C、A、K、葉氯酸、礦物質鎂、鉀及鏻都較高。 在超市或街市選購椰菜仔的時候要注意其大小，愈細小的會愈甜，亦要留意每一棵都是緊緊的包著，而不是鬆開的。   在家烹調椰菜仔方法。 ...

上星期去 上環的 點心籠 叮到一個很好吃的 炆燒杏鮑菇米線，老闆 William 很無私的分享了簡單的做法。由於女人仔很喜歡吃杏鮑菇，剛好平常也會在 HKTV Mall 訂下一些存貨在家，昨天休息就試做了。真的很簡單的做法，不簡單的好吃呵😍😍😍~~ 材料很簡單： 1. 杏鮑菇一包 2. 生抽 2 湯匙： 3. 蠔油 2 湯匙 4. 糖 1 茶匙 5. 麻油 1 湯匙 做法： 1. 杏鮑菇先洗淨切片，浸水十分鐘左右。 2. 取出浸好的杏鮑菇，把水份擠出。 3. 凍油放鐵鑄鍋 (女人仔用LC Casserole)，放入杏鮑菇，加入生抽、蠔油、糖，中小火加熱略炒。 4. 直至汁液開始滾起，轉小火，蓋上鍋蓋焗十分鐘左右。 5. 十分鐘後開蓋，應該會見到汁液多了 (鐵鑄鍋的特性，把食材的水份迫出)，1轉中小火，加入麻油略炒。 6. 少至汁液開始濃稠時，蓋上鍋蓋，熄火，再焗十分鐘左右。 7. 十分鐘後開蓋，不用開火，略兜，就可以上碟。 這個炆燒焗的方法做出來的杏鮑菇食落會有煙 韌爽脆的口感， 十分簡單又好送飯，也可以作為麵食的拌餸。平時有時間做好放雪櫃，沒有時間拿出來送麵也可以啊~~😉😉😉 注意： 1. 鐵鑄鍋同一般爐具用法不用。因為鐵鑄鍋的保溫效果可以保留材料的鮮味及將材料的水份及營養保存。 2.  在預備的過程， 把水份擠出的步驟十分重要，因為要讓杏鮑菇在炆焗的過程吸收鍋內的調味。 3. 吃素的朋友可以轉用素蠔油。 #新手最強 #三十分鐘料理 #簡單料理 #無肉料理 #無肉餐單