女人仔的小確幸

主人話，過去一個月，敗物帶俾佢好多得益，所以為咗紀念 敗家一個月，唔可以靜俏俏咁過，要轟轟烈烈咁敗落去！哈 哈哈哈！\^0^/***   Copyright：幸福小女人＠２０１４ Le Creuset 中式湯匙終於登場喇！官方發表話於本月１６日在香港首次發售，那一天就去了朝聖。原來還有特價六五折的套裝。於是，就買埋兩個飯碗，以後就可以開開心心色 彩 繽紛咁食飯喇～ ^_^   本來一直諗住等機會買多個 Buffet Casserole 26cm 的，上次去台灣又 miss 咗個 promotion 貴過香港，去到又冇 26cm 的 size，便算了。點知返到香港原來香港都做緊特價！原本諗住六五折就買埋個 Cherry Red 襯返個心心煲啦，但落到 shop ，竟然見到主人最鍾意的 Cotton White 白色首次做七折！二話不說便敗了。。。 本月還有贈品，就是 Le Creuset Cobalt Blue 瓷器磁石，真係好抵敗~ ^_^

早晨！今朝又整新嘢。 昨晚煮餸用剩了些少露荀，還有是見之前剩了兩片麵包又不夠吃。所以今次就大雜會，原來剩餸還可以好簡單的做一個美麗又好味的早餐出來吃啊～　^_^ Copyright: 幸福小女人＠２０１４ 材料（二人份）： a) 露荀五條，斬尾、切段 b) 火腿一片，切條 c) 麵包，切長條或大正方粒 d) Parmasean Cheese 碎少許 e) 鹽少許 f) 黑胡椒少許 g) 稙物牛油少許 h) Basil 少許 做法 １。預熱焗爐 200 度。 ２。在 cocotte （或入爐小杯）上掃上一層薄薄的稙物牛油。 ３。最底層放上切好的麵包。 ４。把切好的露荀放上，可以不平放甚至垂直放以增加立體視覺效果。 ５。再把火腿一條條凌亂的放上。 ６。灑上 Parmasean Cheese 碎、鹽及黑胡椒。 ７。放入已預熱的焗爐 200 度焗十二至十五分鐘，見表面稍有燒焦的感覺便可。 ８。最後灑上少許 Basil 便成。 註：食譜和照片版權均屬｢幸福小女人｣所有，如欲分享，請 列明出處： ｢幸福小女人｣ 。感謝。

今晚又OT! 返到屋企又唔想出去食又想簡單D。。。 用心心煲整個「咸蛋肉餅蒸飯」，整得開心，食得更開心！