女人仔的小確幸

我寫咗一個星期. 啱啱用咗兩個鐘頭FINALISE 為完稿的一篇BLOG 在發表之前變返第一日個DRAFT!!! 是BLOGGER 的問題??? 是EXPLORER 的問題??? 是CHROME 的問題????

緩慢, 是一種心情 悠閒. 從容. 自在. 放鬆. 感動. 深刻 緩慢, 是一種動力 敏銳. 纖細. 清晰. 克制. 沉穩. 恆久 緩慢, 是一種內在的心理狀態 不論外在的身體有多匆忙... 載住兩個女生的夢想, 造就了這一個名字好怪的... "緩慢民宿" ~~~~~~~~~~~ 聽到緩慢兩個字, 香港人第一個反應係, "吓? 緩慢...?" 之後, 通常都會反眼, 偏咀. 今個九月, 我地一行十人, 組咗一個攝影美食精華遊. 其中一站, 就係台北花蓮的石梯坪. 而我地住的, 就係呢一間位於石梯坪新開的 "緩慢民宿" 喇~ 我地到達的時間, 係下午的五點幾, 泊好車之後, 被呢一橦建築物同佢前面呢個大草披吸引住. 大家都在叫, "哇! 好靚呀! 哇! DREAM HOUSE 呀!" 蛇頭隨即同我地講, 由於呢度唔係咁多房, 今晚, 我地十個人已經係包咗成間民宿架喇 . "哇!!!!" "好豪呀"!! \^0^/ 當我地仲喺度大叫的時候, 民宿裡面就有一個好和善的女生急步咁走出嚟, 問我地 是否香港來十人的團隊呀?  大家支支喳喳在答的時候, 隱約咁聽到佢話自己叫做"庭芳", 係民宿的管家之一. 呢兩日, 將會負責我地的起居飲食~ 真係  好專業呀 ~ ^^ 佢引領我地走過草地, 進入民宿喇!! 入了大門之後, 前面係一個好簡潔的櫃枱 -->> 而左手邊就有一條樓梯, 應該係上房的... 正當我地好失禮咁一面七咀八舌一面又想直走入去的時候, "庭芳"就示意我地向右邊走... 原來呢邊, 係一個可以坐二十人左右的飯廳. 餐桌子是四人一枱的. 我們擾攘了一會, 就分了四枱乖乖的坐下. 邊喝迎賓飲品, 庭芳就邊介紹"緩慢民宿" 的歷史. 原來 "緩慢民宿" 是由兩個有夢想的女生 慧君, 和庭妃所建立的. 除了石梯坪之外, 佢地喺台灣的金瓜石和日本的北海道都有店. 佢地服務的宗旨, 就係要讓客人可以悠閒地享受假期,

秋高氣爽! 有過我舊年大病五個月的可怕經歷之後, 今年未入秋, 主人已經好小心翼翼咁幫我計劃我今年的養生大計. 首先, 當然是不可以再不停咁玩同影相, 然後冇晒電, 繼而病倒... 第二, 就係睇住我的飲食, 唔俾我病從口入... 最重要, 就係為我設計適量的戶外活動, 等我多啲接觸大自然的空氣同陽光, 唔好成日困住喺個GYM度吸人地呼出的廢氣~ :p 上週六, 我地就開始咗今年入秋後的第一個行山活動. 目的地係:  我地從筲箕灣 出發. 9:30AM 因為我有成年冇正式 "行過山", 為咗避免我呢個大食積又會餓到暈, 我地先喺出發前最後一個有嘢食的地方, 食一個好豐富的醒神早餐先~  呢度的早餐係我地喺筲箕灣食過的最好同最抵食的. 仲係 $22/3蚊, 質數好ok!  10:00AM 食完! 我地就在附近的巴士總站搭 九號巴士 上山喇. 主人之前喺行山網站找了路線, 做足功課, 仲 download 埋  新巴城巴的 iPhone apps: 呢 個apps 好好用架. 開咗電話的 location service / gps 功能,  輸入你要乘坐的路線, 找你要下車的站名. 之後, 你架車一路行, apps 入面就會一直幫你追蹤你的距離.  在到站前600m 會第一次提示你. 300m 再提示你. 那時, 差不多是時間去按鐘落車.  到站時, 又會提示你已經到架!!  好適合我地呢啲成日唔認得路的女人仔.  又好適合大家去一啲郊區多啲乘坐公共交通公具! ^^ 10:30AM 話咁快就到站喇! 行山網站話全程三個小時左右. 我咁耐冇行, 都唔知行唔行到咁耐. 不過試下啦, 主人話呢條已經唔難行架喇. :p 我地 由土地灣起步 , 由呢度上到龍脊, 預計一公里的路程. 走約一個小時.  唬! 好耐冇跑山喇! 一見到呢啲牌, 我啲行山虫就好痕喇!! 快啲快啲行啦主人!! \^0^/ 呢度係 港島徑的第八段 . 初段沿石級登山的, 登上龍脊後, 可以俯覽整個石澳, 大浪灣同埋附近的高爾夫球場. 呢段路好利害的, 在 2004年曾被 "時代周刊亞洲版" 選

今晚同主人去 "鰭処光" 慶祝. 訂枱時講咗我地想嚟食蟹. 咁主廚 Andy 就預留咗一隻約三公斤重的 北海道鱈場蟹 俾我地, 做咗一個我地兩個都夢寐以求的 蟹宴 OMAKASE (お任せ) . 蟹宴六道菜, 兩個人食啱啱好~ ^^ 我地訂咗七點. 入到 "鰭処光" , 人客唔係太多. 我地被安排坐在 BAR 枱的最右手邊. BAR 枱呈 L 型, 另一邊又坐了一對情侶. 而旁邊有幾張TABLE 枱. 其中一張坐了一家三口, 吃的應該是定食. 另一枱靠牆的坐了一個日本人, 自酙自飲. 吃的都是廚師隨意為佢準備的最時令小吃. 佢同廚師侍應們都好熟落, 應該都是常客. ---------- 坐低後, 我同主人申請想飲 SAKE . 因為我酷愛熱SAKE, 但醫生囑咐我不可以飲酒. 主人知道我好想飲, 所以我地只係著量 ORDER 咗一客熱的HOUSE. 因為主人其實都唔係好飲得, 所以今晚都係我放肆. 主人都只是陪我輕嚐~ :p 一坐低, 前菜就來了... 左邊的是甜酒浸螺. 右邊的是炸雞泡魚乾.  我地邊吃邊談, 廚師  Andy  就過來介紹自己.... 同隻蟹... :p 我地一面食, 就一面看著廚師劏蟹. 當時, 我同主人心想, 隻蟹咁大, 唔知仲有冇其他客人SHARE呢...???  (<-- 後來才知道自己白痴. 成隻蟹係 我地 自己食架!! ^^ ) 廚師見我地食完, 就又走過來同我地傾下計, 介紹一下佢一陣會點煮隻蟹... ... ... .. . (<-- 一貫的左耳入右耳出. 我發誓, 當時我係好專心聽同係好明白佢講咩架!! >_<!!) 氣氛好舒服 嗰度唔係好噪又唔係太靜, 唔似一般的居酒屋. 冇大聲叫囂的日本人. 又唔似一般同客食飯的日本餐廳, 要在耳仔邊密密傾免得俾人聽到我地的秘密. 好快, 我地就好放鬆咁一邊自己傾, 一邊同 Andy 傾, 邊傾邊大笑~ 好似好熟落咁, 又好似喺屋企咁~ \^0^/ ---------- 可以一面傾計一面做菜的 Andy,  好快就為我地準備好第一道主菜: 一見到, 我同主人都雙眼發光!  三冷 哇!!  一條長長的蟹腳 !