二級半: 龍脊 (2012年10月)

秋高氣爽!

有過我舊年大病五個月的可怕經歷之後, 今年未入秋, 主人已經好小心翼翼咁幫我計劃我今年的養生大計. 首先, 當然是不可以再不停咁玩同影相, 然後冇晒電, 繼而病倒... 第二, 就係睇住我的飲食, 唔俾我病從口入... 最重要, 就係為我設計適量的戶外活動, 等我多啲接觸大自然的空氣同陽光, 唔好成日困住喺個GYM度吸人地呼出的廢氣~ :p

上週六, 我地就開始咗今年入秋後的第一個行山活動. 目的地係: 

我地從筲箕灣出發.

9:30AM

因為我有成年冇正式 "行過山", 為咗避免我呢個大食積又會餓到暈, 我地先喺出發前最後一個有嘢食的地方, 食一個好豐富的醒神早餐先~ 

呢度的早餐係我地喺筲箕灣食過的最好同最抵食的. 仲係 $22/3蚊, 質數好ok! 

10:00AM

食完! 我地就在附近的巴士總站搭九號巴士上山喇. 主人之前喺行山網站找了路線, 做足功課, 仲 download 埋 新巴城巴的 iPhone apps:

呢個apps 好好用架. 開咗電話的 location service / gps 功能,  輸入你要乘坐的路線, 找你要下車的站名. 之後, 你架車一路行, apps 入面就會一直幫你追蹤你的距離. 

在到站前600m 會第一次提示你.

300m 再提示你. 那時, 差不多是時間去按鐘落車. 

到站時, 又會提示你已經到架!! 

好適合我地呢啲成日唔認得路的女人仔. 

又好適合大家去一啲郊區多啲乘坐公共交通公具! ^^

10:30AM

話咁快就到站喇! 行山網站話全程三個小時左右. 我咁耐冇行, 都唔知行唔行到咁耐. 不過試下啦, 主人話呢條已經唔難行架喇. :p

我地由土地灣起步, 由呢度上到龍脊, 預計一公里的路程. 走約一個小時.  唬! 好耐冇跑山喇! 一見到呢啲牌, 我啲行山虫就好痕喇!! 快啲快啲行啦主人!! \^0^/


呢度係港島徑的第八段. 初段沿石級登山的, 登上龍脊後, 可以俯覽整個石澳, 大浪灣同埋附近的高爾夫球場. 呢段路好利害的, 在 2004年曾被 "時代周刊亞洲版" 選為亞洲區的「最佳市區遠足徑」架!



上咗一陣, 就見到到分叉路, 只要沿住港島徑個牌行, 就永冇甩拖喇~ :p

其實行半個鐘左右, 已經可以望到陽明山莊附近的地方架喇. 當日好好風, 雖然有啲晒, 但行得好舒服~ ^^



 

石澳...

哥爾夫球場...

到呢度, 其實都差唔多到龍脊架喇...

時間係11:09AM!! 

比官方時間, 快了二十分鐘左右噃!! 呵呵呵!!  ^^

哇!! 

原來我地行得好快!! \^0^/

休息咗一陣, 吹乾咗個身, 我地落山喇!! 

落山的路冇乜風景睇, 而且沙石路比較多. 主人就好擔心我成日叫我小心啲呀, 唔好扑親呀咁. 

哼! 睇小我! >__<!!

行行下, 又有分叉路. 可以揀回去我地的起點, 又或者行落大浪灣. 

因為回程的路會上好多山下, 同埋我地想落大浪灣沙灘行下, 所以, 我地就揀咗....

呢度係行石屎路的. 其實我最怕就係行石屎路. 因為好硬又冇變化. 

成段路都幾悶架. 行左成個鐘...

 之後就入森林...

突然之間!!!! 咦!!!!!

我地出山喇!! \^0^/

呢度就係我地要去的 "大浪灣村" 喇!! \^0^/

穿過大浪灣村, 就係大浪灣泳灘喇!! ^0^

好有墾丁feel !!! :p

12:50PM 
我地完成咗呢個行程喇! 比主人預計, 我地仲快咗四十分鐘添! \^0^/
主人都贊我, 咁耐冇行都仲行得好快噃~ ^^

註:
行山網站有關龍脊資料可見:
http://www.qouop.com/hiking/dragons_back/

----------

後話: 
一路行, 我同主人就一路諗返起我舊年由夏天開始的行山紀錄... 
一日之內行三完三支香, 青馬收費管制站同青欣山, 仲要揹住全身的相機同器材... 去了幾個行山訓練, 就去一個北彊95公里步行團... 回來休息一個月後, 仲可以去一個台中合歡山攝影團... 
怎料到回來之後會病足半年, 最嚴重的時候還卧床不起呢? 真係的所謂歲月不曉人...
用咗接近半年的休息調理同續步訓練之後, 我的狀態已經回復得七七八八喇. 今次行完呢個山, 我對自己的體能亦都回復返自信! ^^
雖然如此, 都係嗰句, 一切量力而為! 
畢竟年紀大了, 唔好搏咁盡, 做咩都係啦~ \^0^/