幸福滿足: 鱈場蟹宴 お任せ (2012年8月初)

今晚同主人去 "鰭処光" 慶祝. 訂枱時講咗我地想嚟食蟹. 咁主廚 Andy 就預留咗一隻約三公斤重的北海道鱈場蟹俾我地, 做咗一個我地兩個都夢寐以求的 蟹宴 OMAKASE (お任せ). 蟹宴六道菜, 兩個人食啱啱好~ ^^

我地訂咗七點. 入到 "鰭処光", 人客唔係太多. 我地被安排坐在 BAR 枱的最右手邊. BAR 枱呈 L 型, 另一邊又坐了一對情侶. 而旁邊有幾張TABLE 枱. 其中一張坐了一家三口, 吃的應該是定食. 另一枱靠牆的坐了一個日本人, 自酙自飲. 吃的都是廚師隨意為佢準備的最時令小吃. 佢同廚師侍應們都好熟落, 應該都是常客.

----------

坐低後, 我同主人申請想飲SAKE. 因為我酷愛熱SAKE, 但醫生囑咐我不可以飲酒. 主人知道我好想飲, 所以我地只係著量 ORDER 咗一客熱的HOUSE. 因為主人其實都唔係好飲得, 所以今晚都係我放肆. 主人都只是陪我輕嚐~ :p

一坐低, 前菜就來了...

左邊的是甜酒浸螺. 右邊的是炸雞泡魚乾. 

我地邊吃邊談, 廚師  Andy  就過來介紹自己.... 同隻蟹... :p

我地一面食, 就一面看著廚師劏蟹. 當時, 我同主人心想, 隻蟹咁大, 唔知仲有冇其他客人SHARE呢...???  (<-- 後來才知道自己白痴. 成隻蟹係我地自己食架!! ^^ )

廚師見我地食完, 就又走過來同我地傾下計, 介紹一下佢一陣會點煮隻蟹... ... ... ... (<-- 一貫的左耳入右耳出. 我發誓, 當時我係好專心聽同係好明白佢講咩架!! >_<!!)

氣氛好舒服

嗰度唔係好噪又唔係太靜, 唔似一般的居酒屋. 冇大聲叫囂的日本人. 又唔似一般同客食飯的日本餐廳, 要在耳仔邊密密傾免得俾人聽到我地的秘密. 好快, 我地就好放鬆咁一邊自己傾, 一邊同 Andy 傾, 邊傾邊大笑~ 好似好熟落咁, 又好似喺屋企咁~ \^0^/

----------

可以一面傾計一面做菜的 Andy,  好快就為我地準備好第一道主菜:

一見到, 我同主人都雙眼發光! 

三冷

哇!! 

一條長長的蟹腳 !

底下墊了熱情果 !

配上一大片海膽 !

再在上面舖上一大片金鑮 ! 

哇! 好幸福呀~~!! \^0^/

吃完那一個, 我同主人的眼神, 已經充滿幸福的笑容喇~  

Andy  話, 下一道係刺身. 問我地有咩魚生係唔食的... ^^

我地一面回味剛才的第一道, 

一轉頭,  Andy  已經把兩盤好靚的刺身送上: 

係呀, 同頭先一樣, 係一人一份架!! \^0^/

魚生蟹腳都不是一般的味道. 鮮甜道爆滿! 

新鮮未經急凍的蟹腳刺身小人都係第一次食, 

那一種鮮味同有咬口的感覺, 真係好令人回味啊!!

唔好俾佢停! 來! 下一道: 沙律 !! ^^

用蟹肉加上一大匙一大匙的海膽, 再配上卜卜脆的根子!!!!!

唔使再多講! 食!

~~ 時間過得好快! 三道冷盤就咁就食完了~~    

----------

之後, 我地就半飽地, 坐著飲著. ENJOY 著那一種悠閒的晚餐 MOOD. 

一面睇住 Andy  忙碌咁處理蟹身蟹腳蟹蓋...的部份, 一面喺度估, 下一道菜會係咩呢...? :p

三熱

先來的係呢一個蟹腳天婦羅. 薄薄鬆脆的溫熱口感,沒有將蟹的鮮味破壞, 仍可吃到鮮甜的美味~ 

只係得兩舊, 雖然已經飽, 但係, 總係有種意猶未盡的感覺啊~ \^0^/

再來這一個燒蟹鉗, 

真的好大好大, 啖啖肉啊!!! ^0^

來到這裡, 我們已經好飽了. 但看見 Andy 仍然在忙碌的在一個鍋子攪呀攪, 又見佢將之前煮蟹的蟹湯倒進鍋子裡, 又放了浸好的米.... 呵呵呵.... 應該是主人最喜歡的蟹粥上場的時候了~~~~ \^0^/

各位觀眾!!! 登登登登!!!!!! 爆滿分的蟹粥呀!!! 

\^0^/ \^0^/ \^0^/ \^0^/

幸福滿瀉了~~~ \^0^/

我地同 Andy  分享了這一個蟹粥, 因為真的太大了! 太好味了! 

佢話, 蟹粥唔係成日都可以煮得好, 因為要睇隻蟹有幾靚呀! 而我地今晚隻蟹, 就超正!! ^^

最後, 當然少不了請來靜岡蜜瓜為我地呢一個幸福晚餐劃上一個完滿的句號啦! \^0^////////

日期: 2012年8月

地點: "鰭処光"

人數: 二人

目的: 慶祝

後話: 

呢餐係慶祝飯. 慶祝主人十幾年嚟終於吐氣揚眉升職喇! 呢餐飯, 對我地嚟講係好貴好貴的, 亦係我地各自在有生之年最貴的. 埋單時, 我地本住一世人一次的心態, 豁咗出去架喇! 雖然係咁, 但係, 我地都冇後悔. 我同主人都答應對方, 大家都要比心機做嘢, 搵錢食好嘢. 為咗俾啲推動力自己, 我地訂下下一次食OMAKASE (お任せ) 的日期, 就係十月. 咁樣, 我地希望推動下自己, 為咗下一餐飯, 呢兩個月要勤力啲, 要慳啲! 呢餐飯之後的兩個月, 我地都盡量喺屋企食, 自己煮多啲, 同埋食啲簡單的嘢.  十月份, 我地的目標係日式私房菜, "安半".