Nara Thai
其實去年的聖誕節，我地真係去咗好多地方食同玩。食完玩完之後，又忙於準備過年。無論在工在私，我同主人都忙到透唔到氣。至於今個復活節假期，原本報咗名參加的攝影團，最後因為行程安排問題我地退出咗，而香港的假期天氣又一貫的扑直，咁啱主人又病到瘟瘟下。。。
正當我好努力咁避開佢的病菌之時，我就決定加把勁，盡量呢幾日趕返多啲舊年未POST 又值得推俾大家的嘢出來，你地唔好唔記得我呢度呀~~ \*0*/
----------
上次 CAFE MALACCA 時都有提過，除咗日本嘢之外，東南亞美食 都係我的至愛。平時，屋企附近的泰國菜館就係我地唔想食茶餐廳時最就腳又最愛的選擇。嗰一日，主人同我諗住去尖沙咀睇聖誕燈飾。諗下諗下，記得早幾年好鍾意約埋班姊妹嚟呢度 HAPPY HOUR，又有啲泰式小食食下，＂世界杯＂時更加有波睇添，咁就同主人講不如嚟 Nara Thai 呢度食啦~
Nara Thai 位於尖東最中心的地帶，在南洋中心及東海中心區域，附近係麼地道一系列的高級茶餐廳。除咗室內座位，佢比較多的座位都係位處室外的。賣點係HAPPY HOUR 的BUY 1 GET 1 同埋有波睇。餐廳的氣氛好FREE 好RELAX，係好多人下班後落嚟吹水的好地方。(圖片來源：Nara Thai)
我同主人收咗工後落嚟，剛剛天黑，但係已經坐滿人喇! >.<!
後來先發現自己好笨！
一陣再話你地知點解！>.<!!
泰式生蝦刺身
我地唔飲酒，就先嚟一個＂泰式生蝦刺身＂啦。
呢度的＂泰式生蝦刺身＂係我每一次嚟都必食的。因為佢同出面其他我地食開的泰國餐廳有啲唔同，佢地會將蝦頭都炸埋，另外用隻碟仔放在冰上。蝦頭炸過連殼都脆卜卜唔使剝！喜歡食蝦頭的人一定唔可以錯過~ ^^
泰式炸蝦餅
女人仔好鬼鍾意食 "泰式炸蝦餅" 的。食佢可以唔食飯。
呢度的都唔係講，熱LARK LARK外脆內軟，蝦味濃郁。
好味 !
燒墨魚
望住個MENU，淨係叫小食都已經夠晒喇！好少會叫燒墨魚呢個菜的，因為女人仔玻璃胃，食得太多會胃痛。不過今日咁開心，主人就特準我叫呢個～ 好嘢～
墨魚燒得好香口，肉質夠 "煙銀"，烤得有碳火的味，惹味呀～ ^^
原本，女人仔仲想叫柚子沙律呀，串燒呀，咖哩呀。。。咁。
不過，已經食咗三個小食，兩個人。。。
好啦！試個新嘢啦！
咖哩蟹肉醬蒜蓉包
呢個係我地未見過第二度有得食的嘢。咖哩醬混了蟹肉同蟹粉在裡面。用來沾在香脆的蒜蓉包上面食。哇~~~~~ 濃濃的蟹黃味同口感，同蒜蓉包真係一個絕配呀~~~ \^0^/
除咗呢啲之外，我地仲叫咗一個菜。就又係女人仔好鍾意的飛天通菜喇！因為叫番一個菜類，食番啲纖維質的嘢，感覺好似冇咁內疚咁。:p
----------
我地食完之後，搓搓肚，就起程去睇燈飾喇～
其實年年的燈飾都差唔多，不過食完咁好味的晚餐之後睇，就特別睇得開心同滿足的～
～～ 多謝主人又賜我美食～～
q(^0^)p
後話：其實去的時間已經係去年的11月16日。唔經唔覺已經四個幾月喇。不過因為Nara Thai 係我幫襯多年的餐廳，佢地的水準我經過多次認証，所以都唔怕隔咗咁耐先推俾大家。唯一要提提大家的係，唔好好似我同主人每次點菜咁，荒死冇得食，一次過叫晒啲嘢放晒喺枱面。因為佢地的嘢真係嚟得好快，唔好講話張枱太細放唔落啦，就係連食都食唔切啦，又因為坐露天的關係，有啲菜會放到涼咗就冇咁好食喇～ ^^
留言
張貼留言