滋潤清熱 救命水 (附文字食譜)
----------
女人仔體質陰虛內熱，每逢轉天氣就好容易出事，通常都一面喉嚨痛，一面又頭暈暈。多年前，蔡醫師有教過我一個用沙參玉竹黨參煲的滋潤清湯，但因為材料多，有時又唔舒服就唔想特登走出去買。
前年喺 FACEBOOK 認識到 秀英海味雜貨 的 PAGE，見佢的主持人 Natalie 介紹一個叫 救命水 的湯水，好多人 follow，又好容易煲。就算本身係唔鍾意食無花果嘅我，見咁多人話好飲又有益，於是就即管就試下啦~
其實救命水的材料好簡單，只需要 (1)希臘無花果、(2)生曬淮山、(3)陳皮、(4)南北杏 四樣就可以了。而且佢 春夏秋冬 都飲得。又因為煲的時間唔長，所以，比起要煲兩三小時的老火湯嚟講就唔會咁燥，啱晒我呢 D 燥底又虛不受補的煩人。仲有嘅係，佢完全唔使加肉，所以又成為咗我減炭排放、零殘忍的 素湯水的其中一至名重要成員。
----------
以下資料來源：
材料：2-4 人份量
1）希臘無花果 : 半磅
2）生曬淮山 ：二両 (約 8-10 塊)
3）南北杏 ：適量
4）陳皮 ：半個 (不喜歡陳皮味的可以不加)
5）清水 ：約十六碗
⭐️ ⭐️做法：
1）陳皮 ：浸軟，刮囊
2）無花果 ：洗淨，剪開
3）生曬淮山 ：洗淨，備用
4）南北杏 ：洗淨，用清水浸十分鐘左右，隔水備用5）約十六碗水，陳皮凍水落，可避免燥熱
6）水大滾，將所有材料放入煲。直至水再大滾，大滾十分鐘，轉慢火煲一個半小時，完成。
⭐️夏天可以雪凍飲，好過飲汽水。冬天要熱飲。
⭐️凍飲可能會覺得味道淡少少，有需要可以加冰糖調味。
💥💥 注意💥💥
各位資深的煮婦，知道你地一定好多家傳秘方，最鍾意就係優化人地的食譜加 D 補身的材料。所以，Natalie 都特別喺網站中提提你地，呢個湯已經好簡單好滋潤架喇，唔好亂咁加嘢減嘢呀：- 唔好 加薏米、雪梨，會改變左個效果，偏涼咗，脾胃弱未必適合！
- 唔好 加杞子、紅棗，會燥左！
- 唔好 剩係煲無花果，無左健脾功效！
⭐️紫花果基本上與黃色無花果一樣，紫花果特別之處是含豐富花青素，有抗氧化、同保䕶眼睛功效 。
⭐️健脾、滋潤、清熱、消腫、抗炎、解毒
⭐️潤腸、通便、催乳、消除疲勞、抗衰老、淨腸
⭐️針對因熬夜引起喉嚨痛
⭐️對淋巴腫大有散結功效
⭐️當中維他命A可以保護呼吸道黏膜組織，紓緩喉嚨痛
⭐️當中維他命A，可以平衡油脂分泌，減少暗瘡
⭐️為皮膚、內臓鎖水、補水，提升津液、滋潤度
⭐️無花果含豐富纖維，促進腸道蠕動，減少便秘
⭐️其中果膠、半纖維素吸水後，可以吸附多種化學物質，毒素，淨化腸道
⭐️含鉀質有效紓緩身體水腫問題
⭐️無花果含有人體必須既幾種胺基酸，對抗白血病、恢復體力，消除疲勞，非常好
⭐️潤腸、通便、催乳、消除疲勞、抗衰老、淨腸
⭐️針對因熬夜引起喉嚨痛
⭐️對淋巴腫大有散結功效
⭐️當中維他命A可以保護呼吸道黏膜組織，紓緩喉嚨痛
⭐️當中維他命A，可以平衡油脂分泌，減少暗瘡
⭐️為皮膚、內臓鎖水、補水，提升津液、滋潤度
⭐️無花果含豐富纖維，促進腸道蠕動，減少便秘
⭐️其中果膠、半纖維素吸水後，可以吸附多種化學物質，毒素，淨化腸道
⭐️含鉀質有效紓緩身體水腫問題
⭐️無花果含有人體必須既幾種胺基酸，對抗白血病、恢復體力，消除疲勞，非常好
因此，無論幾乾、幾燥都好、生滿痱滋都好，冬天個咀乾到裂晒都好，一杯救命水就已經可以解攪掂 。
如果買唔到希臘無花果，其實美國又好，土耳其又好，功效都差不多，一樣都可以煲。只要無花果唔好太乾身，煲水 / 湯就可以了。
💥 揀無花果煲水 / 湯 小 Tips 💥
無論土耳其、美國、任何顏色都好
- 無花果最好係半乾濕。無花果本身有水份，煲出黎先夠滋潤，如果無花果本身已經太乾身，自己都唔夠水分，煲出黎又點會滋潤呢。
- 無花果顏色愈深色，代表愈熟，味道會更香濃，甜度亦會提升。雖然色水無咁靚，但就更有內涵。如果想減慢無花果成熟速度，可以放入冰箱保存 。
- 無花果本身已經好甜，最好係揀表面無糖份、無蜜餞的。但其實無花果放耐左就會將自己本身既糖份，迫左出黎表面。所以如果慢慢見到無花果表面出現糖份其實係無問題的，唔使擔心。要想減慢無花果成熟速度，可以放入冰箱保存 。
💜淮山功效💜
- 益氣養陰、補脾肺腎、治療虛熱、尿頻
- 特別之處： 生曬淮山無硫磺薰過，煲湯唔會有酸味。避免因硫磺引起皮膚敏感，煲而且特別香甜
💜南北杏功效 💜
- 止咳平喘、潤腸通便
💜陳皮功效 💜
- 理氣健脾、化痰、舒緩燥濕
💥 點解叫救命水？💥
根據 Natalie 喺 facebook 講，佢本身係 陰虛內熱 的體質，唔可以飲涼野，BBQ / 食完熱氣野之後，個口就會熱氣到腫的。而有一次佢感冒，因為被醫生誤診，延緩病情，持續發燒、喉嚨爛晒、兩邊頸位腫晒，完全食唔到野、飲幾多水都仍然覺得好乾。於是就煲左 救命水 當水飲。一飲立即舒服哂立即無咁乾，滋潤左好多，呑口水無咁腫痛。同時間仲可以調理埋脾胃，補水、鎖水 一 take 添。
後來佢分享呢個方比朋友仔，好多成日生飛痱既，都無再生。熱氣到爆，訓唔到既朋友仔都舒緩到。冬天個咀裂曬，飲乜都無用，一樣修復到，無再爛咀，感冒明顯少左。就算病，食住西藥飲都無問題。皮膚唔再乾，所以救命水，係身體既補濕 mask 黎架!