2019 北海道 : Day 2 札幌 Sapporo 市內 (包括 Tripla 訂位教學)
上一篇：2019 北海道 : Day 1 香港Hong Kong✈札幌 Sapporo
斬下眼就已經到咗第二日喇! Keio Plaza Sapporo 的酒店房夠大，而且我地第一日舟車勞頓有D攰，所以第一晚瞓得好好😊。第二朝一早起身望出窗外，見到好好天，感覺好舒服呀😊!
第二日 ：札幌 及 薄野
早餐 ：札幌京王酒店 (Keio Plaza Hotel Sapporo)
午餐 ：二条市場 Nijo Market
晚餐 : 串鳥 (出發前在 Tripla 訂枱)
酒店 : 札幌京王酒店 (Keio Plaza Hotel Sapporo)
-----------
斬下眼就已經到咗第二日喇! Keio Plaza Sapporo 的酒店房夠大，而且我地第一日舟車勞頓有D攰，所以第一晚瞓得好好😊。第二朝一早起身望出窗外，見到好好天，感覺好舒服呀😊!
😃今日全日都係札幌市內活動 !😃
其實札幌認路真係好容易，在🚉JR🚉 站由 ESTA、STELLA PLACE、BIG CAMERA 的出口行出去之後，背住 🚉JR🚉 站，所有你要去的、食的、玩的、買的、都喺你的前面。🚉JR🚉 站的另一面呢，就係住宅、醫院、大學區等等。對於我地呢D年輕人 (今時今日60歲以下😲)，走路係重要的運動，可以舒筋活骼，所以我地喺札幌通常都唔會租車的，用腳 🐾 行!
如果我同主人自己嚟，呢個時候，我地就會去狂食同狂買衫褲鞋襪精品。札幌係北海道主要的購物點，除了一些在特定景點先買到的嘢之外，所有北海道的手信呢度都有得買。
而我地今日全日呢，主要就係帶第一次嚟札幌的朋友嚟一個札幌的快閃遊，所以唔會買手信住，反而係會去一 D基本的景點食同玩 😀😁😁。
如果我同主人自己嚟，呢個時候，我地就會去狂食同狂買衫褲鞋襪精品。札幌係北海道主要的購物點，除了一些在特定景點先買到的嘢之外，所有北海道的手信呢度都有得買。
而我地今日全日呢，主要就係帶第一次嚟札幌的朋友嚟一個札幌的快閃遊，所以唔會買手信住，反而係會去一 D基本的景點食同玩 😀😁😁。
喺札幌有一個好處，就係如果 🌞夏天怕曬🌞、⛄冬天怕凍⛄、又或者☔唔記得帶遮☔，喺路邊求其搵一個窿捐落👣地下街👣，就天不怕地不怕喇😂。而地下街 POLE TOWN 同 AURORA TOWN 就貫通交通樞紐的 札幌駅、大通公園及電視塔的 地下鉄線大通駅、同購物中心的 地下鉄線薄野駅。地下街入面的店舖，就同東京的地下街一樣，大把嘢食，大把嘢睇，大把嘢買，總之行到你腳斷為止😂😂😂。
不過，唔係個個人都咁行得家嘛，如果唔行得好耐的朋友，佢地就可以考慮一下搭地下鉄，上面提過的三個站就已經可以將你由札幌🚉JR🚉 站的 ESTA、STELLA PLACE、BIG CAMERA、大丸，帶到去電視塔、三越、PARCO、ARCHE、狸小路，等等。。。
不過，唔係個個人都咁行得家嘛，如果唔行得好耐的朋友，佢地就可以考慮一下搭地下鉄，上面提過的三個站就已經可以將你由札幌🚉JR🚉 站的 ESTA、STELLA PLACE、BIG CAMERA、大丸，帶到去電視塔、三越、PARCO、ARCHE、狸小路，等等。。。
😃 好喇，快D去講行程喇 ! 😃
👇 呢個就係我地今日的行程喇，我地主要就係向薄野方向行，中間會經過一D位於大通的景點。首先我地會去地圖右手邊的 Sapporo Factory ，途中會經過 札幌時計台。然後就向薄野方向，午餐會在 二条市場 Nijo Market 吃魚生，之後就會去 狸小路、大通公園，如果有時間就會去 Norbesa 玩天台摩天輪。晚餐會在薄野吃人氣的 串鳥 串燒。晚飯後，經過 札幌電視塔 會上去看看札幌的夜景，然後就回酒店。😴😴
早餐 : Keio Plaza Sapporo 酒店自助早餐 🍞🍞
Keio Plaza 的早餐係自助餐形式的。
餐廳座位與座位之間間隔唔係太密，靠窗的位置有自然光。但因為外面的花園種植了好多稙物，對於我地嚟講就唔算曬。不過見光死的港媽就可能想坐入D，唔好咁近窗邊喇😎。
食物的種類對於我地嚟講係足夠的。畢竟，去到日本，主要唔係因為想食酒店個早餐嘛，佢地的麵包、西式凍肉、沙律、都有的，日式的燒魚、拉麵、涼菜都有的，Egg Station 都有。唯一美中不足的係我地食咗咁多日，都發覺佢地的生果係漬咗的，就唔係咁啱我地口味喇😜。
餐廳座位與座位之間間隔唔係太密，靠窗的位置有自然光。但因為外面的花園種植了好多稙物，對於我地嚟講就唔算曬。不過見光死的港媽就可能想坐入D，唔好咁近窗邊喇😎。
Sapporo Factory 👣👣
食完早餐，我地就出發去 Sapporo Factory 喇。我自己好喜歡 Sapporo Factory 呢個地方。因為佢都係一個彩用天然光，同用咗一D稙物做裝飾的一個優閒購物點👇。入面有一D 特色小店，又有一間好大的寵物用品店 Petland (記得上次同主人來, 買咗兩張狗仔床返嚟俾聰聰思思)，個喼就係咁，打爆咗😂😂😂。
由 Keio Plaza 行去 Sapporo Factory, 中間會經過 札幌時計台👇，係遊客必到的打咭位。
雖然十幾年前開始已經影過好多，今次嚟到，
巡例經過都要影返張 札幌時計台 的近照俾大家睇的。
我喜歡 Sapporo Factory 就係因為呢個日照十分強的室內花園喇：
特別是天氣冷時，在這裡曬一下，好溫暖架~
Sapporo Factory 的其中一個出口👇：
👇 主人宣佈，北海道的雪糕之旅正式展開 😄😄😄 !!
喺 Sapporo Factory，我地除咗食雪糕之外，都行咗差不多兩個鐘。
行下坐下影下相，又差不多時間要出發去食午飯了🍚🍚。
午餐 : 🐟 二条市場 Nijo Market 🐟 魚生飯
由 Sapporo Factory，穿過大通公園，我地就向🐟 二条市場 Nijo Market 🐟方向行。因為之前的經驗，再加上七月中係大旺季，所以我在計劃行程的時候，就已經決定我地全個行程都要盡量頭圍用膳!
二条市場 的 大磯
一去到，見到門日已經座滿了 香港人😨 香港人 😥香港人😫在等位。。。我地當下就決定做一個 😎唔普通的香港人😎，在外圍行一個圈，找找有沒有其他選擇先。。。
不過行咗一個圈之後，返嚟見人潮已經散咗好多，所以我地最後就。。。
做番一個 😎普通的香港人😎。。。😂😂😂
大 Toro 呀👇👇👇
是日精選：
海膽三文魚子三文魚丼：
海膽三文魚蟹柳丼：
呢餐，我地叫咗三個 set 再加一客大 Toro，埋單 ¥11,400 😎😎😎
----------
食完飯，下午就係苦行的時間喇!
👉 狸小路👉大通公園 👉 薄野 三越 / 今井丸井 / Norbesa 天台摩天輪
其實簡單來說，咪就係市內觀光囉~~~~ 😂😂😂
----------
食完飯，下午就係苦行的時間喇!
👉 狸小路👉大通公園 👉 薄野 三越 / 今井丸井 / Norbesa 天台摩天輪
其實簡單來說，咪就係市內觀光囉~~~~ 😂😂😂
睇返個行程先，我地離開 二条市場 Nijo Market 之後，就圍繞住薄野去周圍行亂咁行。咁札幌最出名的就係 狸小路步行街 (好多旅行團都會在這裡放下遊客買手信的)、同 大通公園 (冬天的雪祭就係喺呢度舉辦的)，當然仲有百貨公司林立的薄野啦。
好搞笑，當我地經過 大通公園 的時候，竟然俾我地見到朦面超人喺度傾計噃😂😂😂
👇Norbesa 的天台摩天輪!👇
嚴重畏高的我，全程都係閉著眼玩的。。。
晚餐 : 串鳥 (三番街店) 串燒店
串鳥 其實喺北海道都有好多間，我地上網睇過，除咗 札幌 JR 駅店之外，喺我地今日去的薄野區，好近狸小路都有一間。
網上圖片
Tripla 訂位教學
今日等我詳細D介紹下呢個 Apps 啦。
呢個 Apps 係免費的, 裝咗之後, 在 Apps 的底部, 就有四個功能的，分別係 Chat, Reservation, Status, 同埋 Account。而 Apps 的介面, 就有得揀 Restaurant, Tour, Activity, 同埋 Limousine。我地揀訂枱，於是我地首先就 Click 介面上的 Restaurant 進入。入到去就會見到一系列的餐廳名稱及資料。佢地亦都有 Search 功能 (右上角的放大鏡)。
由於我地揀的餐廳當時唔喺 Restaurant List 入面，於是我地就進入 Chat 功能聯絡佢地。
你只需要將餐廳的名字、分店名稱、電話號碼俾咗佢地之後，回覆機械人就會同你 confirm 訂枱的日期、時間和人數。之後，佢地就會叫你喺 Apps 的 Status 介面 Click 入去睇一次佢地設定的訂枱資料是否正確。!要回覆架!
💓有一些餐廳未必能夠做即時確認的，可能要等上四、五天，所以大家唔好預得太忟。如果訂枱確認咗之後，Apps 就會再發訊息通知。!要回覆架!
💓提提大家，就算訂位確認了之後，Apps 都會不時再發訊息提醒大家，及俾機會大家取消訂位的。所以，大家一定要開啟訊息通知功能，因為 !要回覆架! 如果沒有如期回覆，訂位有可能會被取消架!
💓更重要的係，如果大家行程有變，包括時間、日期、甚至取消，都可以通知 Apps 讓他們代為安排更改。所以，要做一個負責任的香港人，唔好 NO SHOW 同埋遲到。。。👍👍
我地訂咗枱晚上七點，不過其實我地六點幾已經去到。入去餐廳之前，我會先將 Tripla 個介面轉返做日文先 (佢有中、日、韓、英文)，咁一入到去，隊個電話俾個侍應睇就搞掂!
唔知係咪因為我地太早，我地去到的時候冇乜人。我地食咗大約兩個小時左右啦，走的時候，門口的確係大排長龍架。。。
串鳥 的點餐好方便，因為係用 tablet 點餐的，大部份都有照片的。所以就唔使怕雞同鴨講。不過當中我地食完第一 round，因為想挑戰一下 google translate，所以就揀咗一D冇照片的。。。出咗事啦。。。之後要不停改單，十分唔好意思。。。🙏🙏🙏
揀 串鳥 係主人跟D blogger 介紹而揀的。之前去東京跟過一D blogger 中晒伏，所以其實都唔敢有乜期望。不過嗰次之後就學識咗，唔好一次過晒D blogger 介紹的嘢，試少少再加單，每次加少少，冇咁傷😓。
由於我地唔食牛🐂的，所以我地今次的主食都係雞🐔，跟住就係豬🐖同蔬菜🌿，佢地係冇海鮮類的。我地第一 round 就叫咗少少雞試下。雞亦、雞軟骨等都好好味。於是之後就再加單，試其他食物，最後就再加單，食多一轉雞。
總括來說，佢係好抵食的。我地食咗三 round，好多好多嘢，好飽，埋單都只係 ¥5,920 (三個人加埋噃😲)。
總括來說，佢係好抵食的。我地食咗三 round，好多好多嘢，好飽，埋單都只係 ¥5,920 (三個人加埋噃😲)。
----------
食完飯，我地就沿路行返酒店。當中會經過晚上的 狸小路步行 啦。晚上的 狸小路步行 係比下午再熱鬧D嘅。仲有係晚上的 大通公園 啦，同埋我地行咗去 札幌電視塔👇 。
札幌電視塔 的二/三樓係免費的，上面有小店同餐廳 (一間)，我地上去行咗一個圈。展望台我地今次就冇上去喇，因為之前上過好多次，而朋友又唔係好 eager 上。如果想上展望台看札幌的夜景就可以買票，成人 ¥700，營業時間 早上9:30 至晚上 11:30。
不過，老實講，我地在香港長大的人，真心覺得香港的夜景真係世界第一😍。
好喇，行返酒店喇。行咗成日，三個都腳斷了。。。
明天就開始長征，開始我地的 road trip 喇。我地會一早出發去富良野，開始我地的薰衣草之旅，之後再去稚內。一個星期之後先至返札幌，所以要收拾好行李，睡一覺好的!💪💪💪
