女人仔的小確幸

今次想介紹的地方, 係喺西環盛貿酒店 (Traders Hotel) 入面的一間星馬菜館, 名字叫做Cafe Malacca.   素來, 我發星加坡狂就係朋友都知架喇. 以前每年都會去星洲幾次名為探朋友, 其實就係去食佢地的街頭美食. 呢兩年, 冇時間過去, 就不停咁喺香港試盡本地有的星坡菜. 自從喺蘇豪區的SHIOK 執咗之後, 就未遇到過真係能夠俾到嗰個Menu嗰個味道我的星馬菜館.   今次, 舊同事工作拍擋兼好友提議一同去試下呢度, 咁我地今晚就掉低我的主人佢的蝦子餅, 兩個女人仔自己出去牚枱腳喇! ^^   ----------   Cafe Malacca 雖然係喺酒店入面, 但係因為酒店都只不過係香格里拉 (Shangri-la) 集團入面商務系列的 Traders (盛貿) 品牌, 所以佢地的餐廳比較 casual. 裝潢沒有太隆重, 有一啲似大學裡的高級飯堂咁上下. 因為係商務酒店的關係, 我地亦特別覺得有工幹樣子的客人喺度傾嘢, 又有一個人嚟食飯嘅. 環境一啲都唔焗促, 我覺得好舒服! ^^ 打開餐牌, 無太多選擇.   因為今次諗住嚟試菜, 所以, 我地打算揀啲真係好地道嘅特色嘢嚟試下.  首先, 就由前菜 "Straits Delights" 點起.  餐牌入面的 "Straits Delights" 有六款, 我地叫咗... 炒蘿蔔糕 (Fried Carrot Cake) - 炒蘿蔔糕係我必食的一道菜. 星加坡的煮法係將蘿蔔糕切成一大粒一大粒. 再拌以芽菜, 蔥, 炒蛋. 再用醬料炒均. 唔可以太杰又唔可以太散, 味道方面好容易會太咸但唔夠味又唔好食. Cafe Malacca 整的喺香港算係比較似樣的喇. 之前試過銅鑼灣的少爺同家族, 食嘅同我喺星加坡食開的味道爭啲.  羅渣 (ROJAK)  - 唔好問我咩叫ROJAK. 因為佢其實應該係冇中文名的. 佢係一款星馬人好鍾意食的蔬菜沙律. 但係, 千祈唔好俾我地香港人心目中的 "沙律" 兩個字誤導. 因為如果你諗住同我地平時食開的沙律比較, 你一定會覺得佢好怪. 所以, 我從來唔會同朋友介紹佢係沙律, 只係叫佢地試咗先.   我喺星加坡街頭食到的Rojak 的材

上回講到我地去完 鹹田灣 , 坐完沙灘食飽飽又出發喇! \^0^/ 跟住, 我同主人就開始我地下午 最漫長的路程喇 . 我地行咗入去呢條 無盡頭的路 之後...  成條路都係咁: 左邊有啲樹, 右邊有啲樹...   上吓山, 落下斜 咁... 如是者, 喺個森林度成大半個鐘都係咁. 唔, 咁講啦, 如果你地對植物 好有 興趣又 好喜歡 研究的, 一定會好鍾意...  不過我地就... ... -_____-""    行咗一大輪, 終於都見到 有啲唔同的嘢出現 喇! 無錯! 就係一個路牌!! 都好,  起碼我地知道我地冇行錯路! 仲有2個鐘就到北潭凹!! 係呀! 兩個鐘呀!!! >____<!! 行返轉頭仲大獲, 因為唔止兩個鐘!! 好彩, 冇幾耐之後, 就見到好多好特別的風景同狀況喇!  諗返轉頭, 係有啲驚, 不過係好值得的! ^^ 繼續行的話, 首先, 你地會入到 大浪村 . 呢度都有啲村民喺度, 終於都有人, 咁都冇咁驚. 行下行下, 喺接近 大灣 處...  就會見到有一家食 農村菜 的村屋 我地經過的時候, 有一個伯伯走出嚟招呼我地試下佢的茶粿同涼茶呀.  咁耐冇見過人, 又見到前面又係森林, 本來都好想試下佢的美食的. 可惜當主人提醒女人仔半年前在離島趕返出來急症室的事件... 嗰一條迂迴的公路... 嗰一個小心謹慎的司機... 我嗰一個 易碎的玻璃肚... 算把啦.... 咁我地就唯有同伯伯答應了兩句就起程喇.  入咗森林, 又係  左邊有啲樹, 右邊有啲樹...   上吓山, 落下斜 咁...  咦? 前面有個海!!! 原來, 呢個係一個好廣闊的咸淡水交界處, 我地又見到 有個紅樹林 喇! YEAH!! 呢度有啲海風, 好舒服!  咁我地坐咗喺堤壩上休息咗一陣,  落去石灘玩左一陣,  又起程喇!  我地回到麥理浩徑上, 向前繼續行. 冇幾多步, 我地就正式進入 赤徑 呢個地方喇!! 見到前面又係一條村莊. 我地一路行, 一路聽到愈來愈大

好抱歉呀. 近來因為轉天氣, 身體忙於適應. 過去一個星期, 除咗一般的工作和狗狗事務之外, 主要都是奔波於醫師的藥坊和調理身體, 所以一直不能抽時間上來... ---------- 上次提到我地去到西灣, 見到好水清沙幼的第一灘, 喺嗰度玩咗都差唔多半個鐘, 因為要趕路, 不得已, 唯有依依不捨咁離開啦... 後話: 其實, 如果唔繼續行落去的, 大家可以選擇留喺西灣耐啲, 跟住走回頭路返出去西灣亭. 回程上山路比較多, 不過路程都係大蓋四十五分鐘左右, 比起繼續落赤徑, 路程就短好多喇, 同埋路都好易行, 小朋友都行到. 但係, 要留意上次提過的  村巴時間表 , 因為從西灣亭返西貢, 除咗村巴同 "幸運的士" 之外, 就 冇車架喇 ~~ ^^ ---------- 好喇, 講返我地個行程先. 我地從西灣向左手邊一直行, 就見到呢條 天梯 喇.  正式嚟講, 呢條都 "唔係路"嚟嘅 , 根本就係爬山. 一舊一舊石爬上去. >.<!! 好彩個山唔係咁高. 如果大家唔係十分驚的, 我都提議大家試下. 因為啲石唔算難爬. 如果對鞋唔係咁跴的, 相對都安全的. 行到上去, 好似好勁咁, "我征服咗個山呀!!!" <-- 真係有呢個感覺架... :p 上咗去之後, 沿路一直向前行, 向上行. 跟住落嚟的路有成個鐘左右, 都係 喺個山度行,  冇咩睇的. 有啲悶, 有啲長. 不過, 如果三五知己一齊行, 傾下計, 時間都過得好快的. ^^ 後記:  怕曬的女仔, 嚟到呢度, 我就要提下你地喇.  因為 呢個區域係完全冇遮蔭, 兜頭直晒架 ~ 所以大家  最好喺沙灘未上嚟的時候補多一次防曬先!   其實 ,   大家除咗要預備防曬的太陽油之外, 少不得的仲有係  闊邊的太陽帽   啦. 至於而家好多人, 無論男男女女都鍾意行山時候擔的遮呢, 女人仔並唔係咁贊成的. 一來,  因為你會遮住人地的前路; 二來,  因為你會遮住自己睇風景 (咁去行山為咩呢??); 最重要的當然係 , 你會少咗一隻手平衡, 如果有意外時, 掉得低把遮時, 你已經跌咗落地啦~ 其實, 以女人仔曬太陽十幾年的經驗, 一般三十度的防曬, 加一頂帽, 咩都夠架喇. 一定一定千

主人又帶我行山喇！ 有過上次龍脊的經驗，主人好睇得起我。今次挑戰 難度三粒星 的麥理浩徑第二段的西灣赤徑一段。預計行程比上次長一倍，總共係五個小時！@___@!!  Photo@Little Woman Blog 好細個的時候，間中會跟阿爸行山。大浪灣喺我的記憶裡面就係。。。好鬼好鬼靚同埋。。。 好叉叉叉叉叉叉叉 辛苦！所以，今次雖然承蒙主人睇重，但其實，女人仔實在係十分戰戰兢兢架。。。 >___<! 當日計劃的行程係 西灣亭-->西灣-->鹹田灣-->赤徑-->黃石碼頭   ---------- 我地上晝九點鐘已經去到西貢墟，搭乘往 西灣亭的 村巴 。車程約二十至三十分鐘。大約九點半左右，我地就已經去到我地的起點： 西灣亭！ PART I　－　西灣亭-->西灣 呢段路唔長，沿路風景亦唔錯。大致上係平路同石屎路嚟嘅。 中途會經過 萬宜水庫 ，有高山水塘開揚景，一望空闊，心廣神怡。 而唯一的上山路，就係上 吹筒坳 的一段喇。   上到去到吹風坳，我地就見到有條分叉路。 指示牌叫我地落山，向西灣進發!!! ^-^ 落山的路都唔難行。 好快就落完，見到前面有一條平路。。。 咦？ 有景噃！ 咦？ 原來前面 有個 紅樹林呀！ \^0^/ 女人仔我好鍾意紅樹林架！見到呢個喺世外桃園入面的紅樹林，我當然唔肯走啦。就咁，就伏咗喺啲欄杆度係咁喺度搵搵搵。。。 搵咩？梗係彈塗魚啦, 寄居蟹啦, 白鷺啦... 原來，西灣位處季節性河道的出海口。所以，喺鹹淡水交界的地方，就孕肯咗呢一大片 紅樹林 喇。 主人再三催促，話 前面仲靚呀！行快啲啦！ 。。。 女人仔先至依依不捨咁影咗張全景相，同紅樹林講 拜拜喏 。。。 離開紅樹林冇耐，我地就入到 西灣村 喇。換言之，距離我地第一個目的地，已經好近喇。 入到西灣村，原來呢度有幾間士多架噃。除咗有嘢食飲品補給之外，士多原來仲有提供租房，廁所同淋浴的設備的。 如果嚟呢度的沙灘玩，都幾方便噃。 一路行，一路 望出去，就已經係遠近馳名，水清沙幼，貴