親親大自然: 西灣六小時 (2012年10月)之二

好抱歉呀. 近來因為轉天氣, 身體忙於適應. 過去一個星期, 除咗一般的工作和狗狗事務之外, 主要都是奔波於醫師的藥坊和調理身體, 所以一直不能抽時間上來...

----------

上次提到我地去到西灣, 見到好水清沙幼的第一灘, 喺嗰度玩咗都差唔多半個鐘, 因為要趕路, 不得已, 唯有依依不捨咁離開啦...

後話: 其實, 如果唔繼續行落去的, 大家可以選擇留喺西灣耐啲, 跟住走回頭路返出去西灣亭. 回程上山路比較多, 不過路程都係大蓋四十五分鐘左右, 比起繼續落赤徑, 路程就短好多喇, 同埋路都好易行, 小朋友都行到. 但係, 要留意上次提過的村巴時間表, 因為從西灣亭返西貢, 除咗村巴同 "幸運的士" 之外, 就冇車架喇~~ ^^

----------

好喇, 講返我地個行程先. 我地從西灣向左手邊一直行, 就見到呢條天梯喇.
正式嚟講, 呢條都"唔係路"嚟嘅, 根本就係爬山. 一舊一舊石爬上去. >.<!!

好彩個山唔係咁高. 如果大家唔係十分驚的, 我都提議大家試下. 因為啲石唔算難爬. 如果對鞋唔係咁跴的, 相對都安全的. 行到上去, 好似好勁咁, "我征服咗個山呀!!!" <-- 真係有呢個感覺架... :p

上咗去之後, 沿路一直向前行, 向上行. 跟住落嚟的路有成個鐘左右, 都係喺個山度行, 冇咩睇的. 有啲悶, 有啲長. 不過, 如果三五知己一齊行, 傾下計, 時間都過得好快的. ^^

後記: 怕曬的女仔, 嚟到呢度, 我就要提下你地喇. 因為呢個區域係完全冇遮蔭, 兜頭直晒架~ 所以大家最好喺沙灘未上嚟的時候補多一次防曬先! 其實, 大家除咗要預備防曬的太陽油之外, 少不得的仲有係闊邊的太陽帽啦. 至於而家好多人, 無論男男女女都鍾意行山時候擔的遮呢, 女人仔並唔係咁贊成的. 一來, 因為你會遮住人地的前路; 二來, 因為你會遮住自己睇風景 (咁去行山為咩呢??); 最重要的當然係, 你會少咗一隻手平衡, 如果有意外時, 掉得低把遮時, 你已經跌咗落地啦~ 其實, 以女人仔曬太陽十幾年的經驗, 一般三十度的防曬, 加一頂帽, 咩都夠架喇. 一定一定千祈唔好忘記的係要至少兩個鐘頭補一次太陽油. 如果唔補油的, 你搽三千度SPF++, 擔把沙灘遮都冇用架... :p

-----------

好喇, 好快就過咗大半個鐘喇. 我地上山上到冇晒氣, 似乎去到最高點喇. 再向前, 開心的事嚟喇!

係呀! 我地又見到海喇!! \^0^/

落山喇!!!!! \^0^/ \^0^/ \^0^/

見到有得落山, 而前面又冇高點, 真係成個人鬆晒!
好嘢!! \^0^/

轉咗個彎.....
吓??? >.<!!

哇! 仲有咁長.... 咁咪有掛都未落到去??
呢個時候... 蔽喇!
女人仔的身體, 發出自然的呼喚呀!!! >.<!!
"我好肚餓呀!!!!!!! >.<!!!"

主人又西又哎女人仔先靜落嚟. 希望我行到落山之前都仲未腳仔軟啦....

好彩轉個個彎, 又見到靚景. 呢個, 就係我地下一個點, 鹹田灣...

\^0^/
好啦! 我用埋最後一度力! 衝呀!!! \^0^/

好嘢! 我地落到嚟喇! YEAH!!!
\^0^/\^0^/\^0^/\^0^/\^0^/\^0^/\^0^/

\^0^/ \^0^/! 又影一張360度全景先! 你地睇, 360度都冇人架! \^0^/ \^0^/

今次, 我地好有準備呀!

女人仔好鍾意嘢餐, 但係整得太多蛋沙律三文治有啲悶喇.
所以, 早幾日開始, 已經喺台灣熱爆的網上料理達人 MASA 的資料庫度搵靈感.

YES! 一早六點鐘起身 --> 煮飯! ^^
呢四個愛心魷魚飯團, 就係我地今次的午餐!
中間細細舊的, 係早一日買的白糖糕.

係呀, 甜品都有呀~ ^^

你地睇主人食得幾開心~~ \^0^/