女人仔的小確幸

好抱歉呀. 近來因為轉天氣, 身體忙於適應. 過去一個星期, 除咗一般的工作和狗狗事務之外, 主要都是奔波於醫師的藥坊和調理身體, 所以一直不能抽時間上來... ---------- 上次提到我地去到西灣, 見到好水清沙幼的第一灘, 喺嗰度玩咗都差唔多半個鐘, 因為要趕路, 不得已, 唯有依依不捨咁離開啦... 後話: 其實, 如果唔繼續行落去的, 大家可以選擇留喺西灣耐啲, 跟住走回頭路返出去西灣亭. 回程上山路比較多, 不過路程都係大蓋四十五分鐘左右, 比起繼續落赤徑, 路程就短好多喇, 同埋路都好易行, 小朋友都行到. 但係, 要留意上次提過的  村巴時間表 , 因為從西灣亭返西貢, 除咗村巴同 "幸運的士" 之外, 就 冇車架喇 ~~ ^^ ---------- 好喇, 講返我地個行程先. 我地從西灣向左手邊一直行, 就見到呢條 天梯 喇.  正式嚟講, 呢條都 "唔係路"嚟嘅 , 根本就係爬山. 一舊一舊石爬上去. >.<!! 好彩個山唔係咁高. 如果大家唔係十分驚的, 我都提議大家試下. 因為啲石唔算難爬. 如果對鞋唔係咁跴的, 相對都安全的. 行到上去, 好似好勁咁, "我征服咗個山呀!!!" <-- 真係有呢個感覺架... :p 上咗去之後, 沿路一直向前行, 向上行. 跟住落嚟的路有成個鐘左右, 都係 喺個山度行,  冇咩睇的. 有啲悶, 有啲長. 不過, 如果三五知己一齊行, 傾下計, 時間都過得好快的. ^^ 後記:  怕曬的女仔, 嚟到呢度, 我就要提下你地喇.  因為 呢個區域係完全冇遮蔭, 兜頭直晒架 ~ 所以大家  最好喺沙灘未上嚟的時候補多一次防曬先!   其實 ,   大家除咗要預備防曬的太陽油之外, 少不得的仲有係  闊邊的太陽帽   啦. 至於而家好多人, 無論男男女女都鍾意行山時候擔的遮呢, 女人仔並唔係咁贊成的. 一來,  因為你會遮住人地的前路; 二來,  因為你會遮住自己睇風景 (咁去行山為咩呢??); 最重要的當然係 , 你會少咗一隻手平衡, 如果有意外時, 掉得低把遮時, 你已經跌咗落地啦~ 其實, 以女人仔曬太陽十幾年的經驗, 一般三十度的防曬, 加一頂帽, 咩都夠架喇. 一定一定千

主人又帶我行山喇！ 有過上次龍脊的經驗，主人好睇得起我。今次挑戰 難度三粒星 的麥理浩徑第二段的西灣赤徑一段。預計行程比上次長一倍，總共係五個小時！@___@!!  Photo@Little Woman Blog 好細個的時候，間中會跟阿爸行山。大浪灣喺我的記憶裡面就係。。。好鬼好鬼靚同埋。。。 好叉叉叉叉叉叉叉 辛苦！所以，今次雖然承蒙主人睇重，但其實，女人仔實在係十分戰戰兢兢架。。。 >___<! 當日計劃的行程係 西灣亭-->西灣-->鹹田灣-->赤徑-->黃石碼頭   ---------- 我地上晝九點鐘已經去到西貢墟，搭乘往 西灣亭的 村巴 。車程約二十至三十分鐘。大約九點半左右，我地就已經去到我地的起點： 西灣亭！ PART I　－　西灣亭-->西灣 呢段路唔長，沿路風景亦唔錯。大致上係平路同石屎路嚟嘅。 中途會經過 萬宜水庫 ，有高山水塘開揚景，一望空闊，心廣神怡。 而唯一的上山路，就係上 吹筒坳 的一段喇。   上到去到吹風坳，我地就見到有條分叉路。 指示牌叫我地落山，向西灣進發!!! ^-^ 落山的路都唔難行。 好快就落完，見到前面有一條平路。。。 咦？ 有景噃！ 咦？ 原來前面 有個 紅樹林呀！ \^0^/ 女人仔我好鍾意紅樹林架！見到呢個喺世外桃園入面的紅樹林，我當然唔肯走啦。就咁，就伏咗喺啲欄杆度係咁喺度搵搵搵。。。 搵咩？梗係彈塗魚啦, 寄居蟹啦, 白鷺啦... 原來，西灣位處季節性河道的出海口。所以，喺鹹淡水交界的地方，就孕肯咗呢一大片 紅樹林 喇。 主人再三催促，話 前面仲靚呀！行快啲啦！ 。。。 女人仔先至依依不捨咁影咗張全景相，同紅樹林講 拜拜喏 。。。 離開紅樹林冇耐，我地就入到 西灣村 喇。換言之，距離我地第一個目的地，已經好近喇。 入到西灣村，原來呢度有幾間士多架噃。除咗有嘢食飲品補給之外，士多原來仲有提供租房，廁所同淋浴的設備的。 如果嚟呢度的沙灘玩，都幾方便噃。 一路行，一路 望出去，就已經係遠近馳名，水清沙幼，貴

某日，主人投訴女人仔已經好久沒有為他做小點。 今日有時間，好啦，就脆脆地頂住檔送你一個「紅霞金海如浮雲」啦~ 哈哈哈~ \^0^/ 預備: (1) 橙味啫喱粉一盒 (2) 黑加倫子啫喱粉一盒 (3) 什果一權 (大) (4) 熱水200毫升 (5) 冷卻的溫水200毫升 盛載器皿: 5-6個高身透明杯 做法: 1. 用100毫升熱水將(1)溶化 2. 加入100毫升冷卻的溫水 3. 將成品裝進5-6個高身透明杯, 分量為每杯"僅少於"半滿 4. 加入大量什果 5. 放入雪櫃冰格一小時 6. 用100毫升熱水將(2)溶化 7. 加入100毫升冷卻的溫水 8. 待成品再冷卻 9. 一小時後, 把上述5.從冰格拿出, 應該已經大致凝固 10. 將8.之制成品平均加進從冰箱拿出的5-6個高身透明杯. 每杯分量為剛剛"未"滿 11. 再將大量什果加進杯內, 直至杯身全滿. 由於底層已大致凝固, 上層及添加的什果應該不會穿過底層 12. 最後將全部制成品放入雪櫃冰格一小時 13. 待成品大致冷卻後, 如果未食, 放入雪櫃下層待吃

好快又兩個月喇。儲咗兩個月錢同為食虫，又係我地出去食好嘢的時候喇! \^0^/ 主人上次話，關生七月份請過佢地食餐好正的日本私房菜，搵日有機會一定要帶我去試。 上次去完 " 鰭処光 " ，講好咗十月就係下一個獎勵自己的日期，再去食一次 OMAKASE (お任せ) 。所以今次，我地就去呢間位於銅鑼灣一橦商業大厦內的 "安半" 喇。 "安半" 係一間日本私房菜嚟的。佢真係十分私房，唔似得其他的 "私房菜" 咁，又開 FACEBOOK 又開 BLOG， 連飲食大搜尋器 Openrice 都搵佢唔到架! 所以主人講咗好多次，我都仲係唔記得間嘢叫咩名同埋喺邊度。。。!! >.<!! 老闆兼主廚 安部隆孝先生 來頭唔少，曾經係"香港宮城縣人協會"同"日本料理店協會"的副會長。話說佢以前喺北海道同小樽一帶好出名，係一個日本料理集團的社長。九幾年時決定嚟香港開高級日本料理時，曾經哄動日本飲食界架!! \^0^/ ---------- "安半"地方唔大，一張 BAR 枱大蓋坐十人左右。後面就係 TABLE 枱一至兩張。 BAR 枱同廚師的距離好近好近，就好似佢坐喺佢地對面食嘢飯咁，我即刻發現一個問題。。。 （右圖：取自 大力格言 網站） 你睇住佢整，佢就睇住你食。。。 咁就蔽喇！咁我咪唔可以食淨嘢，揀飲擇食囉!!　>__<!! ---------- 當晚唔係好多客人，一個好斯文好日本人樣的姐姐走過來，佢叫 JENNY，原來係香港人嚟的。當晚，佢就負責招呼我地。 JENNY 同我地講，我地當晚食的材料，都係一日前先從日本運過來的。由於十月份已經屬於秋季, 所以, 我地當晚食的，就係。。。 秋季的北海道料理! ---------- 剛剛坐低時有啲緊張。 因為又係冇餐牌。而老闆安部先生就撓埋雙手同另一個日本客人喺度傾計。成間餐廳啲人都好似來自另一個星球咁，覺得自己有啲格格不入咁。。。 奉了茶之後，JENNY就將一碟又一碟的前菜放喺我地面前。而每食一個，JENNY 就會叫我地先試下，估下呢碟係咩，然後佢先開估。 呢個要求