鮮味滿足: 北海道名物 お任せ (2012年10月初)

好快又兩個月喇。儲咗兩個月錢同為食虫，又係我地出去食好嘢的時候喇! \^0^/

主人上次話，關生七月份請過佢地食餐好正的日本私房菜，搵日有機會一定要帶我去試。

上次去完"鰭処光"，講好咗十月就係下一個獎勵自己的日期，再去食一次OMAKASE (お任せ)。所以今次，我地就去呢間位於銅鑼灣一橦商業大厦內的"安半"喇。 "安半"係一間日本私房菜嚟的。佢真係十分私房，唔似得其他的"私房菜"咁，又開 FACEBOOK 又開 BLOG， 連飲食大搜尋器 Openrice 都搵佢唔到架! 所以主人講咗好多次，我都仲係唔記得間嘢叫咩名同埋喺邊度。。。!! >.<!!

老闆兼主廚安部隆孝先生來頭唔少，曾經係"香港宮城縣人協會"同"日本料理店協會"的副會長。話說佢以前喺北海道同小樽一帶好出名，係一個日本料理集團的社長。九幾年時決定嚟香港開高級日本料理時，曾經哄動日本飲食界架!! \^0^/

----------

"安半"地方唔大，一張 BAR 枱大蓋坐十人左右。後面就係 TABLE 枱一至兩張。

BAR 枱同廚師的距離好近好近，就好似佢坐喺佢地對面食嘢飯咁，我即刻發現一個問題。。。

（右圖：取自大力格言網站）


你睇住佢整，佢就睇住你食。。。

咁就蔽喇！咁我咪唔可以食淨嘢，揀飲擇食囉!!　>__<!!

----------

當晚唔係好多客人，一個好斯文好日本人樣的姐姐走過來，佢叫 JENNY，原來係香港人嚟的。當晚，佢就負責招呼我地。

JENNY 同我地講，我地當晚食的材料，都係一日前先從日本運過來的。由於十月份已經屬於秋季, 所以, 我地當晚食的，就係。。。

秋季的北海道料理!

----------

剛剛坐低時有啲緊張。 因為又係冇餐牌。而老闆安部先生就撓埋雙手同另一個日本客人喺度傾計。成間餐廳啲人都好似來自另一個星球咁，覺得自己有啲格格不入咁。。。

奉了茶之後，JENNY就將一碟又一碟的前菜放喺我地面前。而每食一個，JENNY 就會叫我地先試下，估下呢碟係咩，然後佢先開估。呢個要求，對於小女人嚟講係有啲難度的；因為小女人好揀飲擇食，從來都唔會唔清唔楚咁將嘢放入口。。。所以，佢令到我更加緊張。。。

咁緊張，就梗係唔記得影相啦!! >___<!!

不過, 我都記得前菜有四五個，當中有：

• 好鮮甜帶啲咸味的 "鹽辛魷魚刺身"
• 帶香芋味的 "黑蕃薯球"
• 仲有的係連安部先生都話好少會有，所以整之前都要先問我地敢唔敢食的："鯨魚刺身"

----------

食完前菜，JENNY 走過嚟同我地傾下計，安部先生又走過來同佢唔咸唔淡但尚算流利的廣東話同我地傾下。。。

好喇！主食嚟喇!! \^0^/

主食都有好多款。多到我都數唔到。喺呢度我就介紹幾個我印象比較深刻的：

 
什錦魚生刺身：

結合了最新鮮的魚刺身片，當中有吞拿魚刺身和藍鰭拖羅刺身。相比起，藍鰭拖羅油脂比較多，入口真係即溶。小女人第一次食，覺得同一般的拖羅的確係唔同口感。不過，可能因為我唔係咁嗜脂肪，我就覺得食少少都ＯＫ，多就會膩啲，所以，都係各有各好食。^-^





鰻魚蘿蔔卷:

廚師將鰻魚肉片到好薄，包住沾咗醬汁的蘿蔔煮，食落口有好鮮甜的鰻魚味道同蘿蔔的香味噃! 。。。呢個菜，連素來唔食鰻魚的小女人都征服了呀!!

北海道三文魚扒:
 

再來的係北海道三文魚扒。呢個魚扒安部先生猛話好靚好靚，叫我試。但係，我真係唔敢試呀，熟咗的三文魚扒真係好腥架！所以，你地見到呢個，係主人的。而我呢，安部先生就一面幫我準備咗銀鱈魚扒，一面話我蠢，唔識食。。。>.<!!

 仲有的係入口即溶的A5 和牛:

  

食完晒之後，真係好飽好飽。吃了一大碗松茸菇飯之後，當然少不得 

北海道的夕張蜜瓜

  ----------

＂延命茶＂

喺呢度，一定要介紹下佢地啲茶！其實, 一坐低飲的第一啖, 我已經覺得個茶好特別。佢唔係綠茶，亦唔係紅茶；有一點點。。。好似玄米茶咁的味道，但係又冇咁濃；有一點點。。。好似抹茶咁，飲完個口會有AFTER TASTE的。安部先生話原來呢個茶好有益的，係佢地專成從一家寺院買入的，茶叫做＂延命茶＂。

----------

後話：

以前由於工作關係都識得一啲日本人。以我所接觸過的，上咗年紀的日本男仕個個都好嚴肅同好惡死的。小女人最怕就係呢啲伯伯嘅。。。所以，當我同主人入到餐廳的時候，主人同我講，＂呢，企喺前面呢個撓埋雙手的咪安部先生，呢度個老闆囉~＂的時候，我見佢個樣扁起個咀，一啲表情都冇的時候，我真係好緊張呀好緊張!! >.<!

不過，原來安部先生好搞笑的。佢一口＂流利＂的廣東話，成日聽到我同主人一頭霧水。但係，佢又要走過嚟同我地傾計。 見我地影張餐紙，又攞埋佢的私人珍藏出嚟俾我地睇。。。

哇! 原來佢養咗七隻POODLE仲用佢地的相做埋餐紙添呀!

一講到狗，我地當然會延續無盡的話題啦~ \^0^/

呢餐飯，就係咁好快咁就過咗兩個半鐘，喺大家拍拍膀頭。。。

"要下次再來啊!"

"一定再來啊!"

。。。的歡笑聲之中完結了~ 

大滿足呀~!! ^^

～感謝主人～