女人仔的小確幸

上網睇咗好多麻糬曲奇的食譜，都係好似好複雜咁。同埋因為我唔係太食得糯米粉 (glutinous flour)，所以就搵咗一個木薯粉 (tapioca flour) 的食譜再加以改良，簡單 10 步就可以做好，即刻同大家分享😀！ 其實只要買到材料，真係一 d 都唔難整架 😀 －－－－－ 材料 Ingredients： (A) 曲奇部份 (Cookie part) 中筋麵粉 (plain flour) :  做朱古力味 - 100g 麵粉 (chocolate flavour 100g plain flour) 做抹茶味 - 110g 麵粉 (matcha flavour 110g plain flour) 梳打粉 (bi-carbonate of soda) - 1/4 茶匙 (teaspoon)  無糖朱古力粉 (coca powder) - 12g / 抹茶粉 (matcha powder) - 6g  鹽 (salt) - 1/4 茶匙 (teaspoon) 牛油 (unsalted butter) - 50g 糖 (sugar) - 40g 蛋一隻 (egg) - 30g (B) 麻糬部份 (Mochi part) 木薯粉 (tapioca flour) - 30g 鮮奶 (fresh milk) - 110g 糖 (sugar) - 20g 牛油 (unsalted butter) - 5g －－－－－ A. 曲奇部份做法 Cookie Part ： (1) 牛油 和 糖 慢火煮溶， 靜止冷卻 。Unsalted butter and brown sugar simmer until dissolver,  leave to cool . (2) 麵粉、鹽、梳打粉、朱古力粉／抹茶粉，篩進粉盆內。Sieve plain flour, salt, bi-carborbonate of soda, cocoa powder / matcha powder into the mixing bowl. (3) 打均蛋液，加入已冷卻的 (1)，拌均後，慢慢加入 (2) 的粉盆中。Whisk the egg, add in (1) when cool, mixed and slowly add to the mixing bowl in (2). (4) 將粉盆內所有

其實對於英國的食材，我地都已經習慣咗。同以前喺香港一樣，我地除咗會出街食日本嘢、海鮮等的餐廳之外，都甚少出街食飯，因為自己煮點都啱自己口味啲。當然，除咗媽咪煮的餸，係永遠都最好味架，食極都唔會厭架啦～😍 所以，我地嚟咗英國之後都 唔係 特別掛住香港的嘢食。初時，因為忙搞落地的事情，唔識得搵地方買材料。而家都已經摸熟晒，更加欣賞呢度的材料種類之多，亦都好多選擇。以前好多即食的嘢，而家雖然未必買到，但係俾我地知道，原來整都好容易，更加俾我地知道自已放緊啲乜嘢入口，安唔安全，健唔健康。 因為我以前有一段時間係食素的，所以我係好鐘意食麵筋。但係，大家都知道，我地住喺🌴荒島嗰七年，其實同而家冇乜分別，就係有啲食材係可遇而不可求的，買到係好彩，買唔到係正常。😂 嚟到英國，就見到有網友廚神，教大家整麵筋，而材料就只係三樣嘢，仲要其中一樣係水。咁簡單，唔係唔試下呀： 材料： 小麥蛋白粉 Vital Wheat Gluten Flour 90g 酵母 Yeast 1.7g 暖水（暖水有助酵母發酵）110g 做法： 將所有材料混合，搓成麵團。麩質會令麵團有彈性，搓的時間會需要比教用力。 在麵團表面塗上食油，讓麵團休息 (REST) 30-45 分鐘。 3. 休息後，麵團會更緊密，剪開約 30-40 粒。 4. 放入氣炸鍋，視乎氣炸鍋容量，分數次氣炸。麵團與麵團之間要留有空間澎漲。 5. 氣炸 200 度約 8分鐘。出來會好似山筋的樣子，一個個的圓波波。 這時放湯也可，剪一刀讓它收縮後冷藏也可。 加入酸甜醬或咖喱汁就可以煮一個酸甜齋或酸甜齋了～

女人仔 好鐘意食《南乳齋》，但係好多時候喺香港的茶餐廳或酒樓食到的《南乳齋》好睇師傅心情，有七八成的食肆做出來的都會變成《羅漢齋》，完全冇南乳味。所以，我以前喺香港都係自己煮多。 香港煮就比較容易，至少南乳都容易買到，而且中式菜的種類，豆品的選擇都多。 喺曼城，香港人愈來愈多，中式的材料就愈來愈齊全，已經冇咗話以前去到外國一定只食漢堡包薯仔呢回事。而且而家上網買，送到屋企，更加分分鐘平過搭車出去中式超市買。 今次呢個食譜，就寫咗一啲坊間冇人寫過的重點，點解有時食到的南乳齋都變成《羅漢齋》，點樣可以有多啲《 南乳》味呀。 《南乳齋》的其他材料我自己就會視乎自己的喜好，買到的材料去預備。同出面食肆的可能有出入，不過無論如何都一定係素食。 我的材料： 冬菇 5 隻 雲耳 10 隻 泰國粉絲 1 小札 紹菜 半個 甘荀 2 條 豆卜 5 個 麵筋 5-6 個 （自製） 豆皮片 適量 芽菜 適量 髮菜 適量 薑 3 片 調味料需要： 鹽 麻油 粟粉 生抽 紹酒 胡椒粉 南乳 4 小磚 預備（一）（5分鐘）： 先把冬菇，雲耳，泰國粉絲，分別用水浸至軟身。 芽菜浸水。 薑片切好。 待冬菇浸軟後，預備（二）（20分鐘）： 浸冬菇的水留起備用。冬菇去蒂，以粟粉洗淨，加少許鹽及麻油醃二十分鐘左右。 雲耳浸開後切去底部硬塊，洗淨，瀝乾水份，備用。 泰國粉絲浸軟後剪開，瀝乾水份，備用。 芽菜洗淨，瀝乾水份，備用。 紹菜、甘荀、洗淨切好，瀝乾水份，備用。 豆卜、麵筋剪開，和豆皮片一起用滾水汆水 2-3 分鐘，撈起，瀝乾水份，備用。 髮菜浸開。 煮法（30分鐘）： 燒熱 2 湯匙油，把薑片略爆，下南乳兩磚爆香，用中慢火炒香。 加入冬菇、雲耳及甘荀，倒入之前留用的水（注意份量＊），蓋上蓋用中小火炆約 10 分鐘，其間不時攪拌。 加入紹菜，轉大火，加蓋煮至軟身。 加入豆卜、麵筋、豆皮片和髮菜，蓋上蓋用中小火再炆 10 分鐘。 最後加入粉絲及芽菜。 👉👉👉💕再加入兩磚南乳，紹酒及麻油拌勻，蓋上蓋用中小火再燜約 3 分鐘便可。💕 注意： 上面煮法的第六點就係徵結所在喇。除咗一開始要爆香南乳之外，正如我地煮餸有時要埋茨一樣，當加入咗好多材料之後，之前爆開的南乳都已經被水份溝淡咗，最後再加返南乳去收返個汁，補充返南乳的味道。所以最後再加兩磚南乳、落紹酒及麻油，食的時候先至會有濃濃的南乳味。 有些

西多，香港的特產  😂😂😂，令人又愛又恨 😂😂😂 以前喺香港，隨時出街搵間茶餐廳就有得食，於是就懶得整😛。但出到茶餐廳又會因為太高醣、太多油、太熱氣、太高卡路里、太唔健康等等的種種原因，所以就有得食都唔會食 😂😂😂。 －－－－－ 嚟咗英國 🇬🇧 先知原來真係愈冇得食就愈會想食 😝😝😝。 出街食，去香港人開的店多數都有得食，但下下都要出市中心，每份都要 £3-4，再加埋飲品同其下嘢。。。🫣  有時為咗過口癮就咁又廿幾  £ 都有 d 肉赤 。。。 🫣 據說大部份人嚟咗英國都會變大廚係真架  😂，一來多咗時間整嘢食，二來連英國人自己都覺得佢地本地的食物好求其 😂 （是真的，我地上英文班的老師自己都話唔好意思介紹新嚟定匿的人食英國美食 😝 ），所以 ＃英國人人係大廚 就係咁樣練成的  😂😂😂 。 －－－－－ 《氣炸 煱西多》的 做法其實好簡單，只在乎係肯唔肯做： 1。方包飛邊、一塊搽上花生醬，及／或自己喜歡的夾心醬料；另一塊搽牛油。然後放在一起疊好。 2。兩隻雞蛋發均，將疊好的面包浸蛋液，每邊至少浸一分鐘。反轉再浸另一邊。 3。放入氣炸煱，180度氣炸10分鐘。 4。反轉再氣炸 8分鐘。 食得 👍🏻

我好鐘意食秋葵，佢的營養價值又高。喺超級市場唔係成日會見到，但見到一定會買。 之前都有介紹過秋葵的做法，今日再改良了教大家一個再簡單d的方法。 今日就簡單講下點整。喺超級市場買完返嚟，我會就咁用室溫浸佢15分鐘，然後就批走佢個蒂，連埋個蒂附近的角都會批一批，再斜切。 落少少鹽，放落蒸爐蒸佢大約 8-10 分鐘。 蒸熟之後，就可以調味，唔夠熟就再蒸多 2-3 分鐘。 調味好簡單，用日本豉油 1 tsp，味醂 2-3 tsp，撈均之後，再落 1 tsp 麻油，然後試味，味道唔應該好咸。 用日本豉油的原因就係因為佢唔係死咸，有質感好多。而加入味醂就係要佢有層次味道。 試味之後，灑上白芝麻就食得喇。 呢個方法唔使開鑊，而且蒸的話，唔同烚，可以保存秋葵大部份的營養價值。 如果想凍食，就唔好調味住，放入雪櫃雪凍之後，食時才調味，否則秋葵會變黑架。 －－－－－ 如果想知秋葵的營養價值，可以繼續睇落去： 秋葵是一種營養價值高的蔬菜，鉀含量比菠菜略高，鈣含量與芹菜相當，維他命 C 含量相當於番茄，膳食纖維是韭菜的兩倍，維他命 B1 比大部分蔬菜的含量都高。秋葵的好處總括有以下幾個： 1. 防癌 秋葵含有大量的水溶性膳食纖維，吃了不但有飽足感，對控制體重亦有幫助。而水溶性膳食纖維有刺激腸道蠕動、促進消化的作用、可以避免便祕發生，對大腸癌的預防也有幫助。而其維他命A、β-胡蘿蔔素的成分，也有抑制不正常細胞的生成的作用。 2. 養胃 秋葵含有果膠、牛乳聚糖等，有幫助消化、治療胃炎和胃潰瘍、保護腸胃之功效，而且它的黏蛋白，也有保護胃壁的作用，還能促進胃液分泌，提高食慾，改善消化不良等症狀，因此秋葵對腸胃健康更是非常有益的。 3. 調控血壓 秋葵含有份量不少的鈣、鎂和鉀，這些礦物質都有助穩定血壓。 4. 護眼 秋葵亦含有豐富的維他命 A、β-胡蘿蔔素，有利於視網膜的健康、對維護視力有不錯的效果。 5. 補鈣 每100的克秋葵，含有約 94 毫克的鈣，和牛奶差不多。對全素食者而言，是很好的鈣質替代品。 6. 緩解便祕 每 100 克秋葵，含有約 3.7 克的粗纖維，也就是俗稱的非水溶性纖維，在腸道中能幫助吸收水分、促進腸臟的蠕動。除此之外，其亦含有豐富的水溶性膳食纖維 — 果膠，也能增加腸內的益生菌活動，讓排便更順暢。 雖然說秋葵有豐富的營養價值，可是有一些人是不適宜吃的： 腎結石及高尿酸者：