新手淘寶 之 ｢國際集運慳上慳｣

作者：
上一篇：新手淘寶 之 ｢PPS 簡易付款篇｣
 
其實大家喺開始第一次的淘寶之前，除咗係付款安全性的問題之外，最擔心的問題應該就係運費的問題喇。我記得喺早幾年前，要淘寶的話，一係你公司喺大陸有點，仲要佢地會經常運嘢返香港，咁你就可以搭單免運費。如果唔係，你就要有一個好 JM 肯成日幫你用佢公司大陸的點幫你收貨，否則，大家都會有我心入面的問題。。。
 
｢唉，又要俾幾百蚊運費，計計埋埋咪同喺香港買一樣～
算吧啦~｣

而家唔使咁煩喇！因為淘寶已經有 國際集運 幫我地慳運費喇！

 ｢國內｣運費

首先，我地要知道運費係分 兩部份 的：

第一部份 係 ｢國內｣ 的運費。即係由 賣方所在地 運去 轉運站 的運費。轉運站 的意思是將寶貝 轉運國外 的國內港口。運嚟香港的話，呢個轉運站通常都會係廣州或深圳。

每一件寶貝的網頁，賣方都會說明 ｢運費｣ 是多少，甚至會說如果購物滿 XXX 錢就會 免運費。這個運費指的就是 ｢國內｣的運費喇。
 
呢個時候，我地就先要睇下自己購物能唔能夠達到可以 免運費 的額。如果達唔到，我地可以睇下仲有冇其他嘢可以買啦，又或者如果冇得免運費的，計下佢講的運費係多少再衡量下連運費值唔值喇。

舉個例，好似我買咗嘅呢一件婚紗咁。。。

 
按 －＞＜－ 按

佢的運費係：

浙江紹興 至 香港島 預計 ２天到達 快遞: ¥100

 
呢個 100元 就係 ｢國內｣ 的運費喇。

我們在網頁 scroll 低一點就會看到：

單筆訂單滿 398 元　免運費

(不包郵地區：。。。香港、澳門、海外。。。) 

 
因此，就算我只買那一件婚紗（296.01元），連國內運費（100元）總數都已經 396.01元喇，咁我就去看一看同一店睇下仲有沒有其他的婚紗、晚裝、手飾等等可以一次過買，總之購物總額是 398元以上的，我就可以省回這 100元的 ｢國內｣ 的運費。即是話，我用約 100元的貨物去換 100元的運費喇。
 
在這筆交易當中，我買了這件婚紗後，加了一些手飾，婚紗衣架，等等，總數過了 398元，因此，我埋單的時候就無需｢國內｣ 的運費。
 
註：但大家記住記住記住呀，買婚紗的話，每一店都有禮品送的。我買過兩店，一家送我頭紗ＧＯＮＧ紗手套ＳＥＴ，一家送我頭紗耳環。記得要在拍禮品之前，跟在線店服談談，lur 下就有，我見有給寶貝評分的個個都係咁 lur 架，唔怕瘀！Lur 完先再選配飾就唔怕 double，lur 完先拍寶貝就唔怕 sit 底！

｢國際｣運費
 
慳完第一部份的 ｢國內｣ 運費後，因寶貝要付運香港，所以我地係需要慳埋 第二部份 的 ｢國際｣ 運費架！｢國際運費｣ 的意思就是寶貝由 ｢國內轉運站｣（即上面所講的廣州或深圳）運來香港的運費。我們喺拍到寶貝後，要選用 ｢國際轉運｣ 服務（即大家通常叫的集運）：
 

 
 
｢國際轉運｣ 的意思就係賣家先將寶貝寄到轉運倉，待合併包裹後一次性運到海外，咁就可以慳咗個國際直送的運費。
 

 

咁有 JM 可能就會問，要 ｢待合併包裹後一次性運到海外｣ ？咁咪要等好耐？
 
拿，雖然就呢點佢地都冇什麼服務承諾的，但以我的經驗，我淘的寶貝由拍到收到，包括我淘的三次婚紗晚裝等，都係三四天之內就到香港順豐喇，除咗要加時訂造的例外。大家都可以參考一下。。。
 
不過當然如果大家是超急要一件寶貝又冇咗佢唔得嘅，呢個情況我都唔敢建議你去淘喇~ 正所謂愈急就愈唔得丫嘛~ ^-^

到店自取
 
在首次拍到寶貝之後，你是需要填寫送貨地址的。這個時候，你就要考慮填公司地址還是住宅地址喇。
 
因為如果寶貝是送到辦公室的，基本在收貨時速遞員只會向你收取上面講的 國際運費。但，如果送貨地址是 非工商地址，又或是在 較偏遠的地區 的，速遞公司會加收 上門費用的。
 咁，我想要連呢筆上門費用都慳埋，又唔想送件上公司咁揚，咁可以點呢？？？
 
一般來說，國內運送香港的淘寶貝都是通過順豐快遞送你的。順豐最好的地方就係佢有提供一個好完善的 ｢自取件服務｣，你可以選擇去到指定的 ｢順豐站｣ 或 ｢門市｣ 自行取件，咁就可慳返 ｢非工商附加費｣ 或 ｢偏遠地區附加費｣ 喇！

跟住就教大家點樣可以安排自取件服務喇！
 
首先，你需要選擇一個方便你的取件點：在順豐的網站內，可以找到你付近的 順豐站 或 順豐門市，要留意辦公時間啊！！
 
然後就記低該站或門市的 編號。
 
當你填寫送貨地址時，在 地址的最後，加上該站或門市的編號，就好似咁：
 


當中的 ｢852 CBL｣ 就是 順豐站 位於將軍澳的其中一個點喇，亦即是表示你要去取件的順豐站喇。只要你好似上面咁，將一個順豐站的編號加喺你的地址後面，速遞員就 唔會派件上門，你就唔使俾 HKD18 的非工商附加費 或 HKD30 的偏遠地區附加費喇。但係記住噃，
 
1. 你的地址同揀選的順豐站係要屬於 同一個區域 的；
2. 就算到店自取你都要 俾｢國際運費｣ 架，你慳的只係上門費用咋！
 
咁當件寶貝去到你指定的順豐站的時候，順豐就會發一個短訊去你的手機通知你可以取件喇。但記住，取件係有時限的，所以要留意短訊的內容及不同順豐站的營業時間呀~
 
註：由於進口件清關需要，所以你在填寫地址時，唔可以填取件的順豐站地址，而要填自己的地址架。
 
其實我並唔係好叻，亦唔係玩咗淘寶好耐。不過剛剛開始發現淘寶的神奇之處，又知道好多 JM 都有我曾經心裡面的問題，所以就膽粗粗寫幾篇簡易教學，希望可以幫大家衝破呢個心理關口啦。小學雞失禮大家唔好見笑就得喇！