送飯小菜：螞蟻上樹、西施豆腐帶子煲

尋晚，放工返到屋企已經好攰，煮咗兩個簡單的餸，食完已經好有睡意。所以只係簡單咁喺微信發咗相俾屋企人睇就算，什麼也沒有寫。。。今日先有時間再 UPDATE 返 D 資料同相片俾大家睇。

可能因為太熱喇，最近睇完世界杯元氣又未恢復，所以就諗住煮兩個好送得飯的小菜，可以撈下飯，開開胃胃咁食。

睇咗四本食譜，揀咗兩個餸，咁啱都係從鬼嫁的好吃鬼主意中選出的，

一個係惹味的螞蟻上樹。。。

一個係清淡的西施豆腐帶子煲。。。

｢主人又添飯喇～｣　^_^

兩個都係用LC 煲煮，連切連洗連煲飯都係用咗九個字左右，

煮完又可以連煲上，又洗少兩隻碟，方便快捷又美麗，

邊個話放工返屋企唔可以煮飯架？^_^

註：食譜和照片版權均屬｢幸福小女人｣所有，如欲分享，請列明出處：｢幸福小女人｣。感謝。

女人仔的小確幸