女人仔的小確幸

上一篇： 2019 北海道札幌小樽富良野稚內利尻禮文之旅 (行程安排篇 ) 香港Hong Kong✈札幌 Sapporo 行程 : 札幌駅附近 晚餐 : 根室花丸 (取票等候, 約一小時) 酒店 : 札幌京王酒店 ( Keio Plaza Hotel Sapporo) 一早, 我地就出發去機場, 乘搭  香港航空 的 HX692  班機, 由 香港 直飛 北海道 的 新千歲機場 。航班時間係上午的 9:15 起飛, 抵達札幌的時間係下午的 3:25。 香港同日本有一個鐘頭的時差 (日本快香港一個鐘)，所以落機的時間都已經係香港時間的兩點幾，由於唔知道飛機餐的狀況會係點，我地習慣上都會先喺機場食個大大早餐先架😀 到達  新千歲機場 後， 第一件事就係立即去 JR counter 買長途車票喇。 之前有提過 (見上篇： 2019 北海道札幌小樽富良野稚內利尻禮文之旅 (行程安排篇) )， 我地成個行程只有一程長途的來回 JR (其實都只係一個半鐘)，即是後日  (第三日) 去 旭川 ，以及 第九日  返  札幌 的回程票。我地想預先買咗指定席的票先，咁之後就唔使擔心會冇位坐喇。最後，我地買咗第三日 早上 0900 札幌往 旭川 的Kamui 7號車, 以及第九日下午 1400 旭川往 札幌  的Lilac 26號 車 ， 指定席每程 每位 ¥4810 。 之後, 搭市內機場JR往 札幌 市喇。由  新千歲機場  往  札幌 ，車程37分鐘， 自由席 每程 每位 ¥1070，每15分鐘一班。 👉 JR 行程班次費用查詢 👈 札幌駅係北海道一個都幾大的車站，車站上蓋就同好多大的站一樣, 有好多購物點。 第一日落機我地通常都唔會有太多活動，想俾自己適應一下當地的節奏先，所以今日的行程，主要就係喺札幌駅的周邊。 我地最後 book 咗位於車站旁大約十分鐘腳程的  札幌京王酒店  ( Keio Plaza Hotel Sapporo) 。位置雖然未算好近, 但無論軟件的服務及體貼程度, 和硬件的內籠裝修整潔程度, 都很好。 酒店...

2019 北海道 札幌 小樽 富良野 稚內 利尻 禮文 之旅 Hokkaido Sapporo Otaru Furano Wakkanai Rishiri Rebun (行程安排篇) *     *     *     *     * 💬前言💬 一年前, 桃桃🍑🍑離開咗我地之後, 我同主人就開始周圍去了。一方面, 希望可以快D調整自己的心情, 放下傷痛。另一方面, 希望可以快D開展新的一頁。🌱 一直以來, 去旅行, 都係由我呢個  行程控  做規劃。由於工作關係, 以前出差當食生菜, 做行程對我來說簡直就係娛樂😄。再加上我對 富良野 的認識, 所以今次我又出手, 做咗一個  進階 再 進階 版的行程出來。 主人建議我去一D我從來都冇去過的地方, 所以提議加入最  北  呢個行程： 🌴稚內🌴 最北🌴 利尻 🌴禮文 🌴小島之旅🌴 今次由於預計行程的規劃會比較完善, 所以我地就膽粗粗, 邀請了我們一個好朋友加入我們的二人行, 亦令我首次嘗試到在日本 book 三人房, 原來係一D難度都冇架😄😄😄~ *     *     *     *     * 🚩計劃行程🚩 ✈機票✈ 我以前去北海道都是搭乘 ✈CX 的。但由於近年來, ✈CX 俾我的印象愈來愈差, 今次我就揀咗 ✈HX。其實如果以十月份 book 下年的機票來說,價 錢差不多, 只是航班沒有那麼頻密。但由於我地都係睇住個航班時間來篇行程的, 所以這對我來說沒有問題。 留意返, 以北海道的旺季行程來說, 其實只會有人 book 唔到機位, 係唔會有機位冇人坐的。所以, 愈遲 book 機票就一定愈貴架。經驗之談✌~~ 我地今次 book 咗去程 ✈HX692, 出發時間係早上0915, 到新千歲機場係下午1525。回程是 ✈HX693, 在  新千歲機場 New Chitose Airport...