女人仔的小確幸

早年初初用 LC 時，曾經做過一個花甲蒸水蛋。今日想放毒，就 send 咗張相俾朋友睇。先發覺，原來當年個 recipe 係自己集百家之大成，上網搵唔到俾朋友，而當年自己又冇寫 blog 紀 錄。 送佛送到西，今日就寫返出嚟等朋友可以快D整到啦~ Copyright @ 幸福小女人 2020 材料： 雞蛋 2隻 花甲 / 大蜆 半斤 雞湯 240ml 指天椒 一隻 (用來浸花甲 / 大蜆 ) 做法： 1） 先將水放入大盤，加少許鹽及一隻指天椒(切圈)，再放入花甲 / 大蜆，讓盤靜止至少半小時待花甲 / 大蜆 吐沙 。 2)    花甲 / 大蜆 吐沙後，大火蒸約 7 分鐘至全開。瀝乾水份。放涼。 3)    雞蛋打勻，備用。 4)    雞蛋過篩加進雞湯 ，輕力拌勻。 5)    放涼了的花甲 / 大蜆放到碟中，加入(4) 。 6)    LC Buffet 鍋內加少許水，蓋好，中火加熱 1分半鐘。 7)    水大滾將(5) 放入，蒸1分鐘，熄火再焗 5-10 分鐘。 8)    食得。

早前看見  芳療師的精油生活 by Aromatherapist - Donna Chow  介紹一個 "大澳鹹鮮籠仔蒸飯"，好像很好吃，一天有空自己又試下做😋！ 原來功夫不多, 新手都可以試一下呀~ 😀 材料 (二人份)： 1. 洗米 2 杯，浸水兩小時。 2. 我雪櫃裡的海味存貨有蝦乾、魷魚乾、乾瑤柱，和咸魚一小件。全部海味沖水後浸水一小時，保留浸海味後的水。 3. 我同 LC Buffet Casserole，冷油冷鑊, 先在鍋內及煲邊薄薄搽一層油，然後把浸好的米放入煲內，加入一杯半浸過海味的水。 4. 蓋上鍋蓋，用中火燒至沸騰後再煮2分鐘。 5. 然後轉小火，把所有海味及一湯匙蝦榚鋪飯面再加蓋以小火煮10分鐘後熄火。 6. 熄火後不要開蓋，再焗最少15分鐘。 7. 加上蔥花，吃之前把材料和蝦膏混合好。 再次 Credits:  芳療師的精油生活 by Aromatherapist - Donna Chow  😊😊😊

唔再食外賣，今日就快炒一個飯俾主人做 lunch，食完佢又要出去做嘢喇😖😖😖. . 材料： 1. 冷飯一碗 2. 雞蛋兩隻打好加少許鹽 3. 蝦醬香辣菜甫（網店 「伴．醬」 香港人手工製作） 4. 韓式肉粒（之前幾日的淨餸，HKTV Mall CookCookLand - 日本雪花一口豚肉 500g(急凍) ） 5. 蝦米仔少許 6. 頭抽一湯匙 做法： 1. 預熱油鑊，先炒蛋。 2. 然後加入材料 (3), (4), 及 (5) 炒香。 3. 加入冷飯繼續炒。 4. 加入頭抽少許加色。 5. 食得。😄😄😄 😀😀😀真係好簡單😀😀😀 新手注意： 1. 炒蛋前鑊一定要夠熱，唔係好容易炒老又痞鑊。 2. 落蛋前油都一定要熱，我會用竹筷子試油溫。如果油及夠熱，竹筷子放下後周圍會有油泡。 3. 如果肉粒係未煮的，炒完蛋就炒熟咗肉粒先。可以簡單用午餐肉、火腿都得。如果用生肉，炒之前先醃 (豉油糖豆粉鹽少少) 十五分鐘。 4. 炒香菜圃先落飯會香D。 #homecook #homechef #homemademeal #homemadefriedrice #hongkongstylefriedrice #hongkongstyle #hongkongstylefood #yummy #lovetocook #lovetoeat #簡單煮 #十分鐘煮好