女人仔的小確幸

雙蛋蒸肉餅 臘腸炒芥蘭

白酒煮藍青口       煙薰蠔配法包 煎豬扒配帶子 牛油焗男爵薯

上一次介紹完 P4P ，如果大家都有試過的，一定會覺得每日八分鐘其實一啲都唔難，HARDCORE 得嚟好簡單。不過，P4P 有時對我嚟講都可能會感覺好攰架，日日咁做又可能會開始覺得悶。 呢個時候，我就會做愉伽。愉伽的 VDO 同 APPS 真係多不勝數。有做開愉伽的 JM 們可能自己都可以舞一套出嚟。但係，對於我呢啲半桶水，上過下堂又唔係好勤力，又冇乜記性的，就要跟住條片去喇。 我就搵到一個比較啱我的 APPS，叫做 Daily Yoga。 Daily Yoga Daily Yoga 同其他愉伽 APPS 一樣，係真人示範的。我鍾意呢個 APPS的最主要原因係佢好似上堂咁，一個個 sequence 咁俾你跟住做。 我玩咗個 APPS 兩個月，目前都只係玩緊佢的 Free Programmes，覺得都夠玩。因為佢每個 Programme 都有幾個時段的選擇，可以做十分鐘又得，做十五二十分鐘又得。如果有時間又好想做耐啲的，可以連續做幾個 Programme做成粒鐘都得。 以我自己嚟講，因為我自己好鍾意做 Sun Salutation，所以我每朝早起身都先會做十分鐘的 Sun Salutation，可以喚醒我的靈魂之餘，又可以拉返鬆啲筋。如果有時間，就會再做一個 Standing Pose for Beginners 或 Seating Pose for Beginners，咁就已經二三十分鐘架喇。到咗夜晚，如果唔想做其他運動的，又或者需要 relax 下的，我都會做長啲的 Standing Pose，Seating Pose，Lying Pose 甚至做埋 Meditation 添。   不過，如果本身已經好勁玩開愉伽的 JM 就可能覺得佢個啲 Pose 或者 Programme 或者 Instructions 唔夠 Pro 喇。呢個 APPS 只係我自己比較鍾意的一直有做的，出面應該還有更好的。大家可以不妨再 SEARCH 下睇下有冇切合到你地需要架啦。  下一篇： ｢婚前減肥｣階段 － 運動篇(四) 完結篇

炆豬軟骨 腊味炒芥蘭 節瓜什錦炒蛋

今天主人病了，過兩天他又要出行，今晚不如就在家煮個簡單的粥，讓他好好休息一下吧。。。 材料很簡單（二人份量）： (1) 白米 一杯 (2) 干瑤柱 兩粒 (3) 薑 適量 (4) 瘦肉 超市買的美國急凍豬肉一包 做法： A. 先把用清水浸泡 (1)，用熱水浸泡 (2)，各半小時。   B. 把 (3) 切細絲，甚至切粒。 C. 把 (4) 調味，加入切碎的 (3)。 D. 燒滾水，先把已浸的 (2) 放進煱內，待水再滾。 E. 水再滾後，慢火，把混了 (3) 的瘦肉擠成小球狀，放進煱中，大火，再待水滾。   F.  水再滾後，慢火，把已浸泡的 (1) 倒進煱中，大火，再待水滾。 G. 水再滾後，中火，慢煮至合適的稠稀度。 就是這樣喇！   這是一個很簡單的家常粥，不是大廚出馬那些高檔菜館的米芝連。希望唔會失禮大家啦~ 註： －瑤柱先浸水就會稔一點。 －我沒有特意把水的份量寫下，因每人喜歡的稠稀度不同。建議可以由兩小杯的份量開始。中途加水亦可。 －豬肉的調味我一般都用鹽、糖、豉油、豆粉，麻油，水等。大家可以隨自己的口味調教。如果想肉丸滑一點又不想加油的，可以在調味時加一隻雞蛋。 －煮白粥加薑對我來說是的指定動作。因為在中醫的角度，白米煮粥後會令脾胃虛寒的體質不好受，我的中醫多年前已經要我煮白粥時加薑。吃了後胃部就不會再有漲氣的感覺。 －不喜歡加薑的朋友，我一般都是建議吃小米粥比吃白米粥有益。小米的外表是小顆一點的米黃色的，味比白米甜一點香一點。它的營養價值很高，本身已經是建脾益胃食品，煮粥後不會引致胃氣。一般大間小小的超市都有售。 －我很喜歡吃肉丸粥，可是有賣的粥店不多，而有好吃的肉丸的粥店更少，有亦不便宜。但，其實自己動手做一點也不難，就是這樣簡單。就算是我自己生病的時候，煮這個簡單的粥也不難啊～ 註：食譜和照片版權均屬｢幸福小女人｣所有，如欲分享，請 列明出處： ｢幸福小女人｣ 。感謝。

今日好有 MOOD 整嘢食。 下午忙完之後，就拿出我的甜點架生，準備整餅！ 記得對上一次整餅，就係前年主人的生日，整咗一個朱古力慕士蛋糕。主人雖然好鍾意，但之後一直都好多事發生，又搬屋，直至而家。。。 好！嚟啦！ 材料： (1) 低筋麵粉 140g (2)  泡打粉 1/4茶匙   (3) 蛋 3 只 (4) 糖 160g (5) 鹽少許 (6) 檸檬 1 個刨皮   (7) 稙物牛油 50g Icing：   (8) 糖粉 (icing sugar) 40g   (9) 檸檬汁 (1/2 個檸檬份量)   做法： A. 預熱焗爐 170度左右 B. (1) 及 (2) 混合，篩好 C. (3)、(4)、(5) 及 (6) 拌勻 D. 將 C 與 B 混合，拌勻 E. 將 (7) 加進 D，拌勻 F.  放進焗爐以 170 度焗 30 分鐘，以叉子輕輕插進蛋糕看看熟了未 (蛋糕漿沒有黏著 叉子便可) G. 熟了後，蛋糕拿出，放涼 5 分鐘 H. 將 (8) 和 (9) 混合，拌勻，淋在蛋糕上，再放入仍然溫熱的焗爐內半分鐘便可  最後把 Icing 淋上蛋糕面是這個蛋糕的精華所在。加了 Icing 的蛋糕香口可口好多。 如果大家想檸檬味再多一點的，可以再加多一個檸檬的皮。不過記住，刨皮的時候不要刨得太深，如果白色的部份太多的，會有少少苦的感覺架～ 希望大家鍾意啦！ ^-^ 註：食譜和照片版權均屬｢幸福小女人｣所有，如欲分享，請 列明出處： ｢幸福小女人｣ 。感謝。

上幾篇講到減肥一定要做運動同埋要注意健康飲食，RULES 就SET 咗好多喇，咁究竟你喺屋企會做啲咩運動架呢？ 而家我主要都係靠一啲 APPS 去幫我的。分類就正如上篇咁講，有高、中、低份量唔同的，同埋唔同時數的俾我每一日去揀。 P4P 首先，就想介紹一個叫做 Passion4Professional (P4P) 的 APPS。 呢個係一個電話 APPS，P4P 最多人激讚的係佢個 8分鐘 Abs (收肚腩) 的運動。顧名思義，就係只要 每日做 8 分鐘 就可以達到收腹的效果。有冇咁神奇呀？唔信？你可以試下跟住做一次，做完你就明點解每日8分鐘就可以收腹架喇！   佢個 Apps 有一個好好的功能，就係可以俾你以月曆方式記住你每日有冇 LAZY。仲可以 SET ALARM，每日提醒你做。 每日8分鐘，你有冇？ 今次冇藉口喇啩！ 除咗 Abs 之外， P4P 的 Programme 仲有 Chest (練胸肌) 同埋 Butt (收PAT PAT) 的 。Level 1 的都係每個 9分鐘咋。 我就 建議女仔最好每日都做埋 Butt。而男仔就做埋 Chest。 胸肌練大啲，Pat Pat 修緊啲，影PW 都好睇啲、型啲嘛！  上一篇： ｢婚前減肥｣階段 － 運動篇(一) 下一篇： ｢婚前減肥｣階段 － 運動篇(三)

上一次講到 ( 婚禮籌備：第二項 婚戒 (Van Cleef & Arpels ) 我們已經在 VCA 訂了婚戒喇，只等刻名後就可以見到真身。 星期二，VCA 已經打俾我話有得攞喇！不過主人話要等埋佢先可以一齊去攞。。。 。。。等咗成個星期，終於喺尋日，我地就出去攞咗返嚟喇。。。 我同主人都好開心呀！ 你地覺得靚嗎？ ^-^

搬家後一直未能習慣廚廁由 細 變成 極細 ，一直都沒有心情不肯認真地煮一餐好的又或試一試新的菜式。就算有都只限於紙上談兵。。。 轉眼間住這蝸居六個月了，無時無刻都想著搬家的我，總也得接受還有餘下六個月的租約。為了準備三至六個月後的搬遷，總也要清理一下 積壓在魔廚內的食材 ，好等下一次搬遷時可以俐落一點！ 今天是星期一，是我的 Green Monday。 一搬 Green Monday 的日子，我都不會吃肉，而轉吃奶蛋素。  今天剛巧發現原來雪櫃還裡有一樽 黑松露醬 ！！ 今天，我就用它做了一 道 簡單的菜：   黑松露醬炒蛋 ＜材料＞ (1) 黑松露醬一湯匙 (2) 蛋二只 (3) 清水半個蛋殼份量 (4) 黑楜椒少許 (調味用) (5) 鹽少許 (調味用) (6) 芝士粉少許 (一搬食譜都是介紹用忌廉的。因為家裡沒有儲存忌廉，我就用平常食 PIZZA 用的芝士粉取代) (7) 稙物牛油兩茶匙 (我們家是不吃動物牛油的，如果你們家用動物牛油的，也可) ＜做法＞ A. 將 (2) 的蛋發開，加入 (3) B. 加入 (4) 及(5) 調味 C. 再加入 (1) 及 (6) D. 把平底鍋烘熱 E. 加入 (7) 煮溶 F.  轉慢火，倒入 C 的混合蛋漿後立即轉大火，快速兜散蛋液，約十秒後離火。此時蛋液應該呈半生熟狀態。 G. 離火略兜便可上碟。 注意： 不可待蛋液全熟才離火，否則製成品會太熟失去嫩滑口感。蛋液半生熟時離火再略兜是用鑊上的餘溫令蛋變熟。 參考來源： 黑松露醬炒蛋做法@ 樂。樂。生活 推介伸延食譜： 飲食男女 Ricky's Home Cooking 黑松露炒蛋伴芝士法包  註：食譜和照片版權均屬｢幸福小女人｣所有，如欲分享，請 列明出處： ｢幸福小女人｣ 。感謝。

好喇. 掉低咗呢個 TOPIC 好耐喇. 等我快快脆脆同大家分享埋個運動篇, 等大家都可以以 最美麗最健康的姿態做個靚靚新娘 先. 首先想分享一條 LINK. 唔知大家知唔知邊個係 補習天王 張欣欣 呢? 佢係出咗名超鍚老婆的. 佢今朝出咗篇文 講女人減肥 的. 講出佢作為男人點樣睇老婆嚷著要減肥的事. 大家 JM 開始破地獄 (進行地獄式減肥) 之前, 希望你地可以先睇一睇, 再諗一諗自己其實有冇需要減太多. 再 訂一個目標 . 記住, 我地就算要靚, 都要靚得健康, 靚得精神 , 唔要瘦猛猛疆屍咁呀. ---------- 好喇. 入正題喇. 除咗平時要食得健康之外 (看我上幾篇的 飲食篇 ) , 我堅持 減肥一定要做運動 . 記住, 係做運動, 唔係做機 (美容院的機).  由於我本人係一個 三分鐘熱度的人辦, 超怕悶, 又怕攰的人 . 所以多年嚟, 模清咗自己的性格之後, 就建立咗呢一套 rules 俾自己： 1. 堅持每一日 早晚都要各做至少十分鐘 運動. 2. 自己揀咗幾款 高中低份量唔同時間長度的運動 , 等自己每日可以隨住自己的心情去做, 唔好俾自己藉口 攰同悶. 3.. 每一日運動的份量同長短時間就要 視乎當日的身體狀況同飲食 而定, 唔好俾自己藉口 攰同悶. 4. 早上最好就係 一早醒咗, 去完廁所飲完杯水就開始做 . 唔好俾自己時間去 咪咪模模 . 因為一咪模就會冇時間, 趕住返工, 趕住出門口... 等等一大堆藉口叫自己唔好做. 5. 晚上的時段唔好 set 得太死 , 因為 好多時我地都要應酬家人朋友電視同娛樂 等等, 夜晚除咗一返到屋企後, 仲可以食飯後, 食飯前, 睡前, 甚至沖涼後做都得. 6. 每個星期都盡量抽一天, 出外一兩個鐘頭, 去戶外吸收一下清新的空氣. 其實而家市區附近都有好多緩步徑, 公園, 都可以俾我地行下. 上一篇： ｢婚前減肥｣階段 － 飲食篇(二) 下一篇： ｢婚前減肥｣階段 － 運動篇(二)

上一項： Pre-Wedding @ Spring Wedding 前日，同主人去咗我地的第二次婚展喇！ 有咗上次的經驗，又因為上次已經安排了PW，所以今次入去就好有目標咁主攻睇 旅行結婚 同 婚戒 呢兩個ITEMS。喺婚展入面，睇中咗幾個婚戒的 ITEMS，分別係 I-Primo 同 MaBelle，但係睇完有啲意猶未盡，就同主人兩個過咗 PP，諗住橫掂都係喇，一次過睇埋Van Cleef & Arpels，Cartier，同 Tiffany，咁就可以 KO 咗婚戒呢個ITEM 喇。 婚展入面有個 Sales 提咗我地一樣嘢，就係我地嚟緊一月影 PW 的時候係咪應該要帶埋對戒指架呢？！？！ 。。。 哎呀！我同主人完全忘記咗呀！！！ 因為婚戒大部份都係要訂造的，訂造的時間由一個月至半年都有；又就算有現貨，都要預幾個星期嚟刻字。。。 　突然之間，買婚戒變得 刻不容緩 喇 ！！！ 於是，我同主人喺 PP 行晒三間舖頭之後，就認真坐低開咗個會。究竟買邊個牌子好呢？買邊對好呢？最後，我地憑住以下的幾個條件：- １）我地希望牌子係一個有意思 有 history 的牌子 ， 代表 婚姻持續久遠 ２）我地堅持戒指的質料是 Platinum 鉑金 ， 代表 永恆純潔的愛情  ３）我地希望戒指的款式不單是同一系列，而且應該係要 兩隻一樣 的， 讓人一看就知道我們是 一雙一對 的 ４）我地要在 一月之前拿到婚戒 ， 等我地影 PW 的時候可以影埋對戒子   ５）我地要控制我地的 Budget   最後，我地揀咗 Van Cleef & Arpels 的 Infini Signature ： Van Cleef & Arpels 的品牌係由 Alfred Van Cleef，鑽石商人的兒子與 Esther (Estella) Arpels，珠寶商人的女兒的愛情故事開始。他們倆於 1896 年結婚，1906年就在巴黎開了第一間 VCA 的店。一直以來深受英國及摩洛哥皇室的愛戴，品牌實而不華。他們的設計及手工簡單但恆久，每一對戒指都係工匠的精心打造，因此 VCA的戒指戴上手就會有一種好貼服的感覺。 我同主人鍾情的 Infini Signatur