女人仔廚房準備入秋喇~
積累了個多月的自我放棄，最近身體開始差，精神萎靡得很。
要提起精神，照顧好自己。
第一件事要行返入廚房，冇時間都至少都要煲返湯，調理一下自己的身體。
湯水達人Natalie係我偶像，好多食療常識都和我睇咗十幾年的中醫師的說法一致，佢介紹我煲的湯水都幫我過了兩個冬天。上年更教我煲咗個湯，醫好了我奶奶的久咳，幫我輕輕增進咗少少婆媳關係。
好野要同大家分享，開始轉涼各位靚太都急不及待都煲補湯俾屋企人飲。但，唔熟悉食材的熟性，分分鐘愛佢變成害佢。所以今日就分享 Natalie 呢篇 :
💪🏻💪🏻💪🏻希望大家都有用啦💪🏻💪🏻💪🏻
今個星期，我俾自己的 task係：
1、救命水
2、去濕水
3、花膠
湯水達人 Natalie 提示:
🌟如果秋冬（特別燥底朋友）最好煲滋潤滋陰湯水先，再飲祛濕茶，最後先食花膠 / 補品。咁樣補身，效果就最好！
🌟如果身體燥熱/ 乾燥，仲飲去濕茶/ 湯水，效果等如森林大火，唔用水救火一樣，仲火上加油一樣！更乾更燥熱！！