女人仔的小確幸

今日介紹一個炎暑清熱去濕去水腫的素湯😊, 就係冬瓜無花果薏米水喇。呢個湯，唔止材料簡單，而且因為全部都唔係要煲好耐的湯料，所以大熱天時唔使怕飲咗老火湯會燥熱，可以簡簡單單就有湯水飲，又可以順便下一下火😊 材料 (二人份)： 1. 冬瓜 (我喺街市買咗 HK$8, 分開兩次煲) 2. 生薏米 (二至三湯匙，約一兩) 3. 無花果 (6-8粒) (我用希臘無花果，貪佢清甜，喺  秀英海味雜貨  幫襯  Natalie ) 4. 水 2 公升 做法： 1. 冬瓜去皮，洗淨，切件 2. 生薏米 我用清水浸一浸 3. 無花果洗淨，開二 4. 我用白裡 Round Casserole，所以要凍油凍煲，加咗水之後，全部掉晒落煲。 5. 開火煲10分鐘至水滾，轉小火煲45分鐘。 注： 1. 因為鐵鑄鍋係會保存煲內的熱力，所以千萬唔需要開大火煲湯水架。 2. 我用希臘無花果比較清甜，所以唔需要加糖都好好味。 3. 我自己就唔多喜歡用美國同土耳其的無花果煲湯，覺得個甜味 over  咗。 冬 冬瓜營養價值很高，有以下功效： (資料來源： 10款冬瓜簡易食譜 消暑清熱袪濕去水腫 ) 1 利尿消腫 冬瓜含維他命C較多，且鉀鹽含量高，鈉鹽含量較低，腎性水腫、營養不良性水腫、孕婦水腫、高血壓、腎臟病、浮腫病等患者食之，可達到消腫而不傷正氣的作用。 2 止咳化痰 冬瓜籽有清熱化痰的效果，而冬瓜皮洗淨後加水煮沸飲用，則能緩解咳嗽。但因冬瓜性涼，所以不建議生食、多食。 3 減肥 冬瓜因含水量高、熱量低，冬瓜特有的成分「丙醇二酸」能抑制醣類轉化為脂肪，預防脂肪的生成，除了有助於減重之外，也是防治高血壓的好幫手。且冬瓜肉富含膳食纖維，能減輕便秘症狀、幫助體內排毒。 4 美容養顏 冬瓜有杭衰老的作用，久食可保持皮膚潔白如玉、潤澤光滑，並可保持形體健美。冬瓜籽內含的植物油與不飽和脂肪酸能潤膚美容，將冬瓜籽晒乾磨成粉，和水攪勻便能洗臉、敷臉，有淡化斑點、潤澤肌膚的作用。

上個星期三晚開始戒嚴，所以放工要立即衝返荒島快煮快食。經過幾日的訓練，又回到以前瘋狂煮煮煮的日子😆，《懶惰》這兩個字不是屬於我的😒😒😒。。。 今日就等我同一眾從回師 9 軌跡的靚太，一齊做一個超級簡單，好容易煮，但又營養價值好豐富的  🍃 🍃 「炒椰菜仔」Brussels Sprout  🍃 🍃 啦😊~ Copyright: 幸福小女人2020 材料： 🍃 🍃 1、椰菜仔一包（我都係  👉 HKTV Mall 👈 買） 2、蒜蓉（多少隨意，我們好喜歡食所以會用1/3個蒜頭切蓉） 3、糖 1 茶匙 4、鹽 1 茶匙 （烚菜及起鑊用） 5、料理酒 1 茶匙（上碟前撰酒） 做法： 1、椰菜仔浸水十分鐘。 2、煲滚水，落少許鹽，大火灼三分鐘，把椰菜仔灼至半熟。盛起，沖凍滾水降溫，可以避免椰菜仔繼續以自己嘅熱力煮自己。然後放一旁墘乾水份。 3、燒熱油鑊（我用 LC Marmite 黑𥚃鑊，所以要熱油熱鑊），落蒜蓉及少許鹽。爆香蒜蓉後，把墘乾水份的椰菜仔下鑊快炒約一分鐘，落少許糖，再兜兜，再落料理酒便可。 注意： 1. 步驟 (2) 的時間不可多於三分鐘，否則會太淋及黃架。 2. 如果想惹味少少，可以在爆蒜頭時落一湯匙 XO 醬，爆香 XO 醬先放椰菜仔。  ~~~~ 🍃椰菜仔 Brussels Sprouts  🍃 (資料來源：http://www.etnet.com.hk/mobile/tc/diva/beauty/gloriatsang/35565) 源於比利時，屬於十字花科蔬菜家族，學名為抱子甘藍，5 粒細細粒椰菜仔已經有3克蛋白質、3克纖維，而卡路里只有36，食蔬菜都有蛋白質。 再加上升糖指數又低，連糖尿病人士也適合。 椰菜仔含豐富維他命K、A、C、E、鉀質、抗氧化物質等等，對心臟健康及防止癌症有莫大幫助。細細粒卻營養豐盛，比起普通椰菜，椰菜仔的蛋白質、維他命C、A、K、葉氯酸、礦物質鎂、鉀及鏻都較高。 在超市或街市選購椰菜仔的時候要注意其大小，愈細小的會愈甜，亦要留意每一棵都是緊緊的包著，而不是鬆開的。   在家烹調椰菜仔方法。 ...

上星期去 上環的 點心籠 叮到一個很好吃的 炆燒杏鮑菇米線，老闆 William 很無私的分享了簡單的做法。由於女人仔很喜歡吃杏鮑菇，剛好平常也會在 HKTV Mall 訂下一些存貨在家，昨天休息就試做了。真的很簡單的做法，不簡單的好吃呵😍😍😍~~ 材料很簡單： 1. 杏鮑菇一包 2. 生抽 2 湯匙： 3. 蠔油 2 湯匙 4. 糖 1 茶匙 5. 麻油 1 湯匙 做法： 1. 杏鮑菇先洗淨切片，浸水十分鐘左右。 2. 取出浸好的杏鮑菇，把水份擠出。 3. 凍油放鐵鑄鍋 (女人仔用LC Casserole)，放入杏鮑菇，加入生抽、蠔油、糖，中小火加熱略炒。 4. 直至汁液開始滾起，轉小火，蓋上鍋蓋焗十分鐘左右。 5. 十分鐘後開蓋，應該會見到汁液多了 (鐵鑄鍋的特性，把食材的水份迫出)，1轉中小火，加入麻油略炒。 6. 少至汁液開始濃稠時，蓋上鍋蓋，熄火，再焗十分鐘左右。 7. 十分鐘後開蓋，不用開火，略兜，就可以上碟。 這個炆燒焗的方法做出來的杏鮑菇食落會有煙 韌爽脆的口感， 十分簡單又好送飯，也可以作為麵食的拌餸。平時有時間做好放雪櫃，沒有時間拿出來送麵也可以啊~~😉😉😉 注意： 1. 鐵鑄鍋同一般爐具用法不用。因為鐵鑄鍋的保溫效果可以保留材料的鮮味及將材料的水份及營養保存。 2.  在預備的過程， 把水份擠出的步驟十分重要，因為要讓杏鮑菇在炆焗的過程吸收鍋內的調味。 3. 吃素的朋友可以轉用素蠔油。 #新手最強 #三十分鐘料理 #簡單料理 #無肉料理 #無肉餐單

對於好喜歡吃蒸肉餅的主人來說，新豬肉 Omnipork 的確是我和他中間的一個緩衝點。記得大約兩年多前，當 Green Common 開始介紹 新豬肉 Omnipork 的時候，我便已經開始考慮怎樣可以令到一見到素食便黑面的主人嘗試 新豬肉 Omnipork。😁 Copyright@幸福小女人 記得第一次煮 新豬肉 Omnipork，是入門最容易的咸蛋蒸 (新豬) 肉餅。當時，我沒有告訴主人那其實一碟是素食🌽🌾🌿🍀。直到他吃了一會之後，就問他好不好吃？當時他說，好吃，不過好像和平時的有一點不同。直到我告訴他肉餅其實是素豬肉，他才嘖嘖稱奇說，一點也吃不出是素😂😂😂。因為口感也是和真的免治豬肉很像的。 就是這樣開始了讓他知道今時今日的素食，已經不等於難食。這個概念，其實已經是十分古老的想法👴👵。雖然我們已經戒吃了很多肉類，而做葷食的時候，其實我已經開始有一點受不了的感覺😖😖，很多的肉類我已經不能自己處理了🙅。畢竟，我們仍然在過渡階段，我自己也未至於是全素者。 但，由於 新豬肉 Omnipork 的出現，現在每個星期我都可以煮一兩個主人也很喜歡的素菜😊。務求多一點變化，絕對不是隨便炒一碟沒有味道的全走清菜便算，讓主人吃得健康💪又開心😊之餘，我們都可以愛地球🌍多一點，愛生命🐂🐔🐖多一點。 好了，廢話夠多了。今次介紹一個在係蒸肉餅以外的一個好容易煮的菜式，新豬肉 Omnipork 麻婆豆腐😇。 Copyright@幸福小女人 主要材料 (二✌人份)： (1) Omnipork 新豬肉半包 (約110-115g), 解凍 (2) 硬豆腐一盒 (340g), 切粒 (3) 清水一杯 (250ml) (4) 生粉水：生粉 1 tsp 加水 1tbsp (湯匙) 主要調味料: (A) 辣豆辨醬 1 tbsp (湯匙) (B) 辣椒粉 (Paprika) 1/2 tsp (茶匙) (C) 花椒辣油 1 tsp (茶匙) 做法: 1. 熱鍋熱油, 爆香 (B) 辣椒粉。 2. 倒入 (1) 新豬肉, 炒碎。 3. 加入 (A) 辣豆辨醬, 炒均。 4. 加入 (3) 一杯清水, 和 (2) 豆腐粒，略兜，煮至滾起。 5. 加入 (4) 生粉水勾芡。 6. 如喜歡吃辣...

上一篇 " 女人仔廚房準備入秋喇~ "  有介紹過今個星期要為  秋冬進補   做好準備。首先第一炮煲的是  救命水 。咁究竟咩係救命水呢？ ---------- 女人仔體質 陰虛內熱 ，每逢轉天氣就好容易出事，通常都一面喉嚨痛，一面又頭暈暈。 多年前 ，蔡醫師有教過我一個 用沙參玉竹黨參 煲 的 滋潤清湯，但因為材料多，有時又唔舒服就唔想特登走出去買。 前年喺 FACEBOOK 認識到  秀英海味雜貨   的 PAGE，見佢的主持人 Natalie 介紹一個叫  救命水 的湯水，好多人 follow，又好容易煲。就算本身係唔鍾意食無花果嘅我，見咁多人話好飲又有益，於是就即管就試下啦~ 其實救命水的材料好簡單，只需要  (1)希臘無花果、(2)生曬淮山、(3)陳皮、(4)南北杏 四樣就可以了。而且佢  春夏秋冬  都飲得。又因為煲的時間唔長，所以，比起要煲兩三小時的老火湯嚟講就唔會咁燥，啱晒我呢 D 燥底又虛不受補的煩人。仲有嘅係，佢完全唔使加肉，所以又成為咗我減炭排放、零殘忍的  素湯水 的其中一至名重要成員。 不如快快趣趣講咗材料同做法先。 ---------- 以下資料來源： 秀英海味雜貨  /  秀英海味雜貨Facebook 材料：2-4 人份量  1）希臘無花果 : 半磅 2）生曬淮山 ：二両 (約 8-10 塊) 3）南北杏 ：適量 4）陳皮 ：半個 (不喜歡陳皮味的可以不加) 5）清水 ：約十六碗 ⭐️   ⭐️ 做法： 1）陳皮 ：浸軟，刮囊 2）無花果 ：洗淨，剪開 3）生曬淮山 ：洗淨，備用 4）南北杏 ：洗淨，用清水浸十分鐘左右，隔水備用 5）約十六碗水，陳皮凍水落，可避免燥熱 6）水大滾，將所有材料放入煲。直至水再大滾，大滾十分鐘，轉慢火煲一個半小時，完成。 ⭐️夏天可以雪凍飲，好過飲汽水。 冬天要熱飲。 ⭐️ 凍飲可能會覺得味道淡少少，有需要可以加冰糖調味。 💥💥 注意💥💥 各位資深的煮婦，知道你地一定好多家傳秘方，最鍾意就係優化人地的食譜加 D 補身的材料。 所以， Natalie...