女人仔的小確幸

星期六嗰日, 我同主人去咗我地的第一次婚展喇.   我地本來係打算去搵一啲拍PRE-WEDDING 需要的嘢. 主要係 租衫同造型的資料喇.   行咗幾個 COUNTER 之後, 女人仔我突然就俾  SPRING WEDDING 的婚紗所吸引喇! 本來係想租衫的, 但係就覺得佢地的 PACKAGE  OUT 咗我心目中的 BUDGET. 點知同個SALES 講講下, 跟住我地竟然做咗一個本來冇諗過會做的決定! 我地買咗一個   SPRING WEDDING 的 PRE-WEDDING PACKAGE 呀!   其實我地坐在COUNTER 成個幾鐘, 問咗個SALES 好多嘢. 佢當然有佢吸引我地買PACKAGE 的方法啦. 但好老實講. 之前我聽都冇聽過SPRING WEDDING. 但, 就憑佢同淺水灣酒店的 DEAL, 同佢婚紗的料, 我已經覺得係物有所值 .   我都十五十六咗好耐. 主人見我咁鍾意, 就好爽快咁應承咗.   我真係好開心呀 !!   買完個PACKAGE 之後, 我同主人都感覺好似有一個好大的PROGRESS 咁 . 雖然, 我地仲依然係十劃都未有一PIT, 但係, 起碼我地而家知道, 我地2014年1-3月間會影PRE-WEDDING, 而嚟緊呢幾個月, 我地就要努力修身同埋做面. 要影一輯靚靚的相~   我地終於都有一個 ITEM 係有一個確確實實的日子喇!! 2014年的1月17號影相 , 而衫呢就喺嚟緊的 12月21號試身 . 不過個女仔都講得好清楚, 就係1月呢個日子係未預計到時酒店的 FUNCTION 狀況架, 如果到時酒店有FUNCTION 我地都要就佢的~ OK 吖,婚展嗰日個 SALES 已經同我地講咗架喇, 明白的, 冇問題呢~ 有咗呢兩個日子, 有咗呢個大計, 我又可以 WORK BACKWARDS 喇: 拿由而家開始, 我地有兩個月的時間去做返啲運動 KEEP下 FIT, 影起相上嚟唔使咁 "泡". 咁到十二月FITTING 時試衫就啱身啲, 到一月影時就靚靚喇!   ...

回來後的這個星期, 一直都忙於補救那個扭紋聰因為不忿我們去旅行而自我放棄的後遺症. 到了今天, 終於都可以安心下來, 向大家通報這一個消息. 這個旅程, 籌備了九個月, 對幸福小女人來說, 只有一個使命, 就是令主人可以過一個開心的生日假期. 怎知, 原來那個狡猾的主人亦一早已經預備咗在他生日那一天, 送幸福小女人一個SURPRISE...  @.@ 當晚, 我們已經即時在微信跟摰親好友發佈了. 今天, 就讓我們再在這裡向這個版面的大家公佈: 是的, 我們年紀大了!!!! 暫時, 我們沒有時間表, 沒有日期, 沒有地點, 也沒有細則 --> 看我們籌備一個旅程都要籌備九個月! :)) 所以, 不要再摧我們. 我們已經行出了第一步了. 慢慢俾啲時間我地計劃下... ^-*

呢幾日病到溫溫登登，工又返唔到，街又出唔到，連胃口都冇。食咗啲葯日日喺屋企wing wing 下，瞓到咁上下，百無聊賴。記得上星期陪主人去睇醫生，經過書局，包咗盒羊毛氈公仔工具。好啦! 就攞出嚟消磨下時間同精神啦~ 網絡圖片 點解我會買呢盒公仔呢？你地睇到個盒面都應該估到喇！係呀，佢兩個好似我家的 "聰思林林"呀！其實買的時候都顫顫惊惊架，因為女人仔手工藝自出娘胎就已經係九流，讀女校要學家政就年年僅僅合格。不過，為咗聰思林林，我係會努力架！ 盒入面有呢啲材料： Photo by @Little Woman Blog 仲有說明書，都講得好清楚。圖文並茂，如果唔鍾意睇字的就啱晒！ 跟住佢的指引，其實一啲都唔難。至緊要係有耐性，係咁吉係咁吉。唯一要提醒大家的係， 要小心吉親手指呀！ 女人仔因為初初玩，冇好似人地咁預備指套，所以整整下，發現自己的 手指公好多個窿窿 。。。 話咁快就整好個頭仔喇~ 似唔似呢？ 我一路整，就一路對住思思奈美。 整到咁上下，佢行開咗，我又要叫佢返嚟。 望下佢個樣，又整下個公仔個樣。。。  整完個頭，就整個身喇。其實唔好睇個頭好似好複雜咁，只要跟住步驟，慢慢吉呀吉呀咁，都好容易。反而，我就覺得整個身難啲。因為個身相對大好多呀，所以要吉得更耐。因為如果吉得唔夠實，啲毛毛好快就會鬆返晒架喇，咁再吉啲腳腳落去的時候就會變形架喇～ 好喇～　大功告成～　   跟住就係將個頭同個身吉埋一齊。 吉完之後，同 "思思奈美" 拍埋一齊睇。。。 第一次整，算係咁啦~ 我見網上啲人POST 的好靚，我會加油努力的 ! 因為。。。 我愛上咗玩羊毛氈公仔呀～～ 好喇！下一隻就係＂阿部聰＂喇～

好喇好喇! 主人終於都病好喇!  因為佢已經成功將感冒傳染咗俾我喇! 今日成日留喺屋企休息，又寫下ＢＬＯＧ 啦。 今日想寫的係開張兩年幾，鍾意食日本嘢的人應該都已經聽過，嗜蟹的人更加應該已經試過，好出名，位於灣仔的 ＂ ＫＡＮＩＺＥＮ 蟹膳 ＂ 喇 ! ＫＡＮＩＺＥＮ 蟹膳 的老闆， 就係　 ＫＡＴＴＥ　ＳＨＡＢＵＳＨＡＢＵ 勝手 的老闆 ＫＥＮＮＹ 同 ＫＥ ＶＩＮ 　 喇 。＂勝手＂喺銅鑼灣大坑一帶的成功，令到佢地萌生將活蟹料理帶嚟香港的念頭。記得2010年頭，同朋友去＂勝手＂食ＳＨＡＢＵＳＨＡＢＵ，遇著當時的另一個老闆　ＴＩＭＯＴＨＹ，聽佢同我的朋友分享佢地幾個搞＂蟹膳＂的想法同構思。。。當年我剛剛又在日本＂蟹道樂＂完。。。 哇! 當時真係好期待佢地快啲開架~~ ２０１０年７月，佢地開張之後，都有同朋友去試過佢地的 ＬＵＮＣＨ　ＳＥＴ。嗰次的經驗已經好好架喇。雖然係　ＬＵＮＣＨ，但係水準一啲都唔馬虎，一啲都唔粗製濫造。食完仲好想快啲能夠試到佢地的 ＤＩＮＮＥＲ。不過始終，佢地價錢都屬於中上，唔係咁多朋友肯隨便去試。咁今次係同主人兩個月一度的＂食豪啲＂慶典，見主人又咁鍾意食蟹，於是乎，我地就決定去食晚餐！\^0^/ ---------- ＫＡＮＩＺＥＮ 蟹膳 　係一間走全日本路線的蟹宴專門店，佢地提供的係北海道 活蟹料理 。即係話，我地食到的唔會係冰鮮蟹，又唔會係雪蟹。而係好似我地去海鮮店揀海鮮一樣，喺個缸度活生生捉上來的蟹~ 唔信點活蟹法？ 拿！一入門口就見架喇 ! 幾個老闆為咗活蟹的養殖攪盡腦汁，花費了二十萬，打造了這一個四米乘二米的蟹缸放在 ＫＡＮＩＺＥＮ 蟹膳 的玄關位置。。。 (圖片來源： 熊貓人私生活 )   經過玄關的大門之後，就會見到　 ＫＡＴＴＥ　ＳＨＡＢＵＳＨＡＢＵ 勝手 　標誌式的一人一鍋ＳＨＡＢＵＳＨＡＢＵ　枱　（圖左）。如果想密密傾下計的，佢地仲有私隱度高一點的ＣＯＵＣＨ　ＴＡＢＬＥ，可以坐二至四人　（圖右）。(圖片來源： ＫＡＮＩＺＥＮ 蟹膳 ) 而餐廳樓上還有一些適合較大　ＰＡＲＴＹ　 的六至八人　ＶＩＰ　房，私隱度更高。   ----------  佢地晚餐主要係賣　...

其實去年的聖誕節，我地真係去咗好多地方食同玩。食完玩完之後，又忙於準備過年。無論在工在私，我同主人都忙到透唔到氣。至於今個復活節假期，原本報咗名參加的攝影團，最後因為行程安排問題我地退出咗，而香港的假期天氣又一貫的扑直，咁啱主人又病到瘟瘟下。。。 正當我好努力咁避開佢的病菌之時，我就決定加把勁，盡量呢幾日趕返多啲舊年未POST 又值得推俾大家的嘢出來，你地唔好唔記得我呢度呀~~ \*0*/ ---------- 上次 CAFE MALACCA 時都有提過，除咗日本嘢之外， 東南亞美食 都係我的至愛。平時，屋企附近的泰國菜館就係我地唔想食茶餐廳時最就腳又最愛的選擇。嗰一日，主人同我諗住去尖沙咀 睇聖誕燈飾 。諗下諗下，記得早幾年好鍾意約埋班姊妹嚟呢度 HAPPY HOUR，又有啲泰式小食食下，＂世界杯＂時更加有波睇添，咁就同主人講不如嚟 Nara Thai 呢度食啦~ (圖片來源： Nara Thai ) Nara Thai 位於尖東最中心的地帶，在南洋中心及東海中心區域，附近係麼地道一系列的高級茶餐廳。除咗室內座位，佢比較多的座位都係位處室外的。賣點係HAPPY HOUR 的BUY 1 GET 1 同埋有波睇。餐廳的氣氛好FREE 好RELAX，係好多人下班後落嚟吹水的好地方。(圖片來源： Nara Thai ) 我同主人收咗工後落嚟，剛剛天黑，但係已經坐滿人喇! >.<! 如彩唔係等咗好耐就有一張枱仔。我地坐低咗之後就一輪咀咁叫晒啲嘢食。 後來先發現自己好笨！ 一陣再話你地知點解！>.<!! 泰式生蝦刺身 我地唔飲酒，就先嚟一個＂泰式生蝦刺身＂啦。 呢度的＂泰式生蝦刺身＂係我每一次嚟都必食的。因為佢同出面其他我地食開的泰國餐廳有啲唔同，佢地會將蝦頭都炸埋，另外用隻碟仔放在冰上。蝦頭炸過連殼都脆卜卜唔使剝！喜歡食蝦頭的人一定唔可以錯過~　^^ 泰式炸蝦餅 女人仔好鬼鍾意食 "泰式炸蝦餅" 的。食佢可以唔食飯。 呢度的都唔係講，熱LARK LARK外脆內軟，蝦味濃郁。 好味 ! 燒墨魚 望住個MENU，淨係叫小食都已經夠晒喇！好少會叫燒墨魚呢個菜的，因為女人仔玻璃胃，食...