女人仔的小確幸

上一篇： 新手淘寶 之 ｢PPS 簡易付款篇｣   其實大家喺開始第一次的淘寶之前，除咗係付款安全性的問題之外，最擔心的問題應該就係運費的問題喇。 我記得喺早幾年前，要淘寶的話，一係你公司喺大陸有點，仲要佢地會經常運嘢返香港，咁你就可以搭單免運費。如果唔係，你就要有一個好 JM 肯成日幫你用佢公司大陸的點幫你收貨，否則，大家都會有我心入面的問題。。。   ｢唉，又要俾幾百蚊運費，計計埋埋咪同喺香港買一樣～ 算吧啦~｣ 而家唔使咁煩喇！因為淘寶已經有 國際集運 幫我地慳運費喇！  ｢國內｣運費 首先，我地要知道運費係分 兩部份 的： 第一部份 係 ｢國內｣ 的運費。即係由 賣方所在地 運去 轉運站 的運費。 轉運站 的意思是將寶貝 轉運國外 的國內港口。運嚟香港的話，呢個轉運站通常都會係廣州或深圳。 每一件寶貝的網頁，賣方都會說明 ｢運費｣ 是多少，甚至會說如果購物滿 XXX 錢就會 免運費 。這個運費指的就是 ｢國內｣的運費喇。   呢個時候，我地就先要睇下自己購物能唔能夠達到可以 免運費 的額。如果達唔到，我地可以睇下仲有冇其他嘢可以買啦，又或者如果冇得免運費的，計下佢講的運費係多少再衡量下連運費值唔值喇。 舉個例，好似我買咗嘅呢一件婚紗咁。。。   按 －＞ ＜－ 按 佢的運費係： 浙江紹興 至 香港島  預計 ２天到達  快遞: ¥100   呢個 100元 就係 ｢國內｣ 的運費喇。 我們在網頁 scroll 低一點就會看到： 單筆訂單滿 398 元　免運費 (不包郵地區：。。。香港、澳門、海外。。。)     因此，就算我只買那一件婚紗（296.01元），連國內運費（100元）總數都已經 396.01元喇，咁我就去看一看同一店睇下仲有沒有其他的婚紗、晚裝、手飾等等可以一次過買，總之購物總額是 398元以上的，我就可以省回這 100元的 ｢國內｣ 的運費。即是話，我用約 100元的貨物 去換 100元的運費 喇。   在這筆交易當中，我買了這件婚紗後，加了一些手飾，婚紗衣架，等等，總數過了 398元，因此，我埋單的時候就無需｢國內｣ 的運費。   註：但大家記住記住記住呀

上一篇： 新手淘寶 之 ｢開戶篇｣   開戶以後，我們就會在淘寶網上遊呀遊的。那找到了以後，拍了以後，大家跟著最關心的問題就是付款吧。   支付簿   首先，是有關 支付簿的概念 。老實講，就算我第一次淘過東西收到貨後，我都未曾完全明白支付簿的概念。直至我收到第一次的退款時，我才明白。而到目前為止，我仍然沒有主動存放任何金額在支付簿內的。而我支付簿目前的餘額就是跟賣家協商後的退款金額而已。   支持簿的概念其實就像是 Pre-Paid Card。就好像我們的八達通一樣。在 香港，我們可以選擇 一、以信用咭把一特定金額存放在支付簿內； 二、到便利店購買淘寶儲值咭存放金額於支付簿內；或 三、不存放任何款項在支付簿內。   因為存放在支付簿內的款項只可以用來作淘寶購物，因此，通常人們都會存放一筆比自己預算要買的東西多的銀碼，餘額用作下一次購物。這種 Pre-Paid 的概念我一直都覺得是買貴了東西似的，所以多年來我都一直不喜歡，亦因此一直沒有用淘寶。 但現在，因為有 第三項 選擇的關係，我可以選擇 每次個別付款 ，而付款額就是我 每次購物的實際金額 。對我來說，就不怕付多了將來用不著而 SIT 底啦。   支付簿外的付款辦法 我每次付款都是用 ｢繳費聆｣ 一次性付款 的。方法是這樣的：   首先，我需要確保我有 登記 ｢繳費聆｣ 的網上繳費服務 。如果未有登記的，可以携同提款咭到你附近的 登記站 開啟一個 ｢繳費聆｣ 帳戶。記著，要選擇登記 ｢網上繳費｣ 啊。登記後，便可以在網上利用 ｢繳費聆｣ 帳戶去付款喇。   在淘到寶貝後，在進行付款前，你需要預備 -- I) 你的 ｢繳費聆｣ 帳戶號碼 II) 你的 ｢繳費聆｣ 網上密碼 III) 開啟了的淘寶登記手機號碼的手機   在選擇 ｢繳費聆｣ 付款後，你會進入一個版面，要求你輸入上述 (I) 及 (II)。   按 ｢遞交｣。     確認電話號碼正確後，按 ｢繼續進行｣ 。你的登記手機號碼會接收到一個一次性密碼。 輸入密碼後，你的付款指示就完成。     這個方法，我們不需要再把一筆錢注入支付簿，每次購物每次結算。而一次性密碼的概念就令我感覺好有安全感，所以我一直都是這方法啊！ 過數

自從上次衝破自己對 ｢淘寶｣ 的心理障礙，開咗個 ｢淘寶戶口｣ 幫聰聰買咗個游泳池之後，發覺今時今日的 ｢淘寶｣ 已經唔係多年前嗰個，只容許 ｢0086｣ 電話號碼登記、以及只允許支付簿交易的 ｢國內話音平台｣ 喇。 今時今日，香港喺 ｢表面上｣ 已經有一個屬於我地的 ｢ 淘寶網 香港站 ｣ 俾我可以好簡單咁 註冊 、然後 一步 一步 咁購物！ ( 話需如此，各位 JM 在 ｢淘寶｣ 的時候，你們會發現搜尋寶貝的時候、見到的寶貝，記住仍然都係屬於那個 ｢國內話音平台｣ 的那唯一一個 ｢淘寶｣ 網 ! ) 開戶 我們進入 ｢ 淘寶網 香港站 ｣ 後，在左上角，你會發這個紅紅好耀眼的   ｢ 亲，请登录 ｣ 的字彙。。。的旁邊就是 ｢ 免费注册 ｣ 四個字， 意思即是 請你開戶。 進入 ｢ 免费注册 ｣ 版面後，請按照你自己的喜好設置你的： 会员名： （會員名，即 Login Name）   推荐你使用： 登录密码：  （登錄密碼，即你想用的 Password） (注意密碼不可只用數字、也不可只用字母、一定要混合的)   确认密码： （確認密碼，即 Re-enter Password)   验证码： （即你在屏幕上看到的驗証碼，輸入）   --> 然後－＞ 同意协议并注册 ＜－進入下一版面  注意(1)： 你的 ｢會員名｣ 是不可以更改的，它將會是你日後登入 ｢淘寶｣ 時的會員帳號、登入名稱等等。 進入下一版面後，揀選你的 ｢國家／地區｣。揀選後， 在 ｢您的手機號碼｣ 欄內的國家號就會自動調整。 例如，   在 ｢国家／地区｣ 一欄，揀選 －＞ 中国大陆 香港 澳门 台湾 韩国 日本 美国 加拿大 英国 澳大利亚 新加坡 马来西亚 泰国 越南 菲律宾 印度尼西亚 德国 意大利 法国 俄罗斯 新西兰 荷兰 瑞典 乌克兰   ＜－   ｢您的手机号码｣ 欄內的國家號就會自動變成 －＞  +852 ＜－ 然後輸入一個你常用的、可以接收短訊的手機號碼，   然後再－＞ 同意 支付宝协议 并开通支付宝服务 ＜－  

下個星期約咗兩台 Fitting 呀 ! 所以，而家正密鑼緊鼓，積極地進行 最後階段 的 修身大計 ! 強迫自己多一點 郁下手郁下腳 ， 扭下腰扭下 PAT !   講到積極修身，我地的完結篇又點可以少得 瘦身女皇 ｢Jung Da Yeon 鄭多燕｣ 呢 !!!!!   ｢Jung Da Yeon 鄭多燕｣   如果有睇過我之前的 ｢婚前減肥｣ 階段 (一)、(二)、(三) 的，應該都會感受到，｢鄭多燕｣ 的運動 對我嚟講 ，都應該算係 高強度 的運動嚟架喇 !   當初認識 ｢鄭多燕｣ 係因為公司上下的女同事都在講都在做，然後行書店時就出於好奇就買咗一本屬於入門版的。。。     ｢塑身女皇 教你打造完美曲線｣    (隨書附送 DVD)   跟住就開隻 DVD 出嚟每日十五分鐘咁做。。。 就係咁，我就迷上咗 ｢鄭多燕｣ 的神話喇。。。 跟住，就開始上網找呀找的，跟著做呀做的，然後就開始覺得上網找太麻煩，然後就買了，哈哈哈哈 !   鍾意 ｢鄭多燕｣ 的健身操有幾個原因的：       １、因為佢 好簡單 ，唔會有一啲好困難的、令我呢啲手腳唔協調的人會感到沮喪的動作；   ２、因為佢本身就是 設計俾唔鍾意出街的人做 的，其實唔需要咩特別器材，如果真係想買個健身球的、啞鈴的，佢的套餐又可以包埋；   ３、佢的 種類真係好多 ： 適合鍾意 跳舞 的、又或者唔鍾意跳舞的；鍾意 健身球 的、又或者唔鍾意健身球的；鍾意玩 啞鈴 的、又或者唔鍾意用啞鈴的； 甚至你只想瞓喺地典來典去的都有！ 問你怕未！哈哈哈哈！   我地當然要推正版啦！其實各大團購網站不時都會有 團購 ，價錢介乎 HK$140-150，就好似 YAHOO 咁，而家剛剛就做緊團購：   $138購鄭多燕FIGUROBICS健身操DVD 4張+啞鈴1對/瑜珈球連氣泵1個(原價$328)   仲有三日咋！   而 BEECRAZY 呢就 嚟緊１月 都會有：   $145 鄭多燕 FIGUROBICS纖體操中文字幕DVD 套裝   當我地推緊正版的時候，又好急住要的，當然可以去書店買啦！另外， 淘寶 都有 ｢正版｣  賣架！ 除此之外，其實間中都有人會 UPLOAD 上 YOUTUBE 同

我們籌備的婚禮細節，跟好多新人不同，就是我們將家中的狗狗放在第一位。行禮的地點、儀式、嘉賓的接納程度，等等，都變得複雜好多。。。 又，因為聰聰的身體狀況，不容許他與我們一起外遊，要實行旅行結婚的大計就好像變成了一個咀咒。。。 要聰聰和思思能夠參與我們的婚禮，在香港，簡直是一個天方夜譚。。。 近幾年的生活經驗告訴我，船到橋頭原來是真的會自然直的。這些日子，學懂了太複雜、想不透的、自己獨力不能支配的事情，我都不會去想。退而求其次，我會花多一點精力去先處理周遭的一切能夠預先計劃的、能力範圍做得到的、side issues。這心態已經變成我的生活方式，亦幫我處理了這些年日常生活中所遇到的一切突發的事，傷心的事，痛苦的事。 當婚禮的形式仍然未能圓滿結論時，我們決定退而求其次，先與他們影一套甜蜜的婚照。 本來是打算農曆年後才做的，可是 因為聰聰的身體最近好像又變差了，所以我們就突然決定提前，希望可以在最短的時間完成。 過去一個週末，不斷訪尋狗狗禮服， 找了一些相熟的店舖，問過一些朋友的意見，又上淘寶找過，最後決定去找我們的專 ｢買｣ 店 美の貓犬良品舍 ，請他們的店主幫忙！ 今天，我們聰聰思思的禮服款式已經定下來了！看～ 第一套 是一套簡約一點的頸圈式禮服，男孩子的一條領帶，再配上女孩子的一條 lace 花花頸圈，是型男索女的感覺呢~~~    第二套 其實是一套聖誕衣物但看上去好像比較中式一點的頸圈，男孩子的尖領配上女孩子的小鳳仙領，如果媽嘛和主人都能夠著一套中式禮服就襯到絕喇！    登登登登！！ 壓軸的第三套來了！！！ 這一條 lace 裙。。。 配上這一條 bow tie 全身褲仔。。。 ！！真是很 sweet 呀！! 當中上面第一、二套的頸圈都是  美の貓犬良品舍  自家製的， 所有照片及設計版權屬於  美の貓犬良品舍  及其供應戶 所有， 在此推是希望給狗狗家的準新人們一些意見， 抄襲偷款的商店小心報應！！

磨菇松子仁辣意粉 材料： 1. 磨菇 2. 松子仁 3. 洋蔥 4. 蒜頭 5. 乾辣椒 6. 意大利粉 7. 雞蛋 調味： 1. 鹽 2. 白胡椒粉 3. 黑椒 4. 茄汁 5. 喼汁 6. 香草

雙蛋蒸肉餅 臘腸炒芥蘭

白酒煮藍青口       煙薰蠔配法包 煎豬扒配帶子 牛油焗男爵薯

上一次介紹完 P4P ，如果大家都有試過的，一定會覺得每日八分鐘其實一啲都唔難，HARDCORE 得嚟好簡單。不過，P4P 有時對我嚟講都可能會感覺好攰架，日日咁做又可能會開始覺得悶。 呢個時候，我就會做愉伽。愉伽的 VDO 同 APPS 真係多不勝數。有做開愉伽的 JM 們可能自己都可以舞一套出嚟。但係，對於我呢啲半桶水，上過下堂又唔係好勤力，又冇乜記性的，就要跟住條片去喇。 我就搵到一個比較啱我的 APPS，叫做 Daily Yoga。 Daily Yoga Daily Yoga 同其他愉伽 APPS 一樣，係真人示範的。我鍾意呢個 APPS的最主要原因係佢好似上堂咁，一個個 sequence 咁俾你跟住做。 我玩咗個 APPS 兩個月，目前都只係玩緊佢的 Free Programmes，覺得都夠玩。因為佢每個 Programme 都有幾個時段的選擇，可以做十分鐘又得，做十五二十分鐘又得。如果有時間又好想做耐啲的，可以連續做幾個 Programme做成粒鐘都得。 以我自己嚟講，因為我自己好鍾意做 Sun Salutation，所以我每朝早起身都先會做十分鐘的 Sun Salutation，可以喚醒我的靈魂之餘，又可以拉返鬆啲筋。如果有時間，就會再做一個 Standing Pose for Beginners 或 Seating Pose for Beginners，咁就已經二三十分鐘架喇。到咗夜晚，如果唔想做其他運動的，又或者需要 relax 下的，我都會做長啲的 Standing Pose，Seating Pose，Lying Pose 甚至做埋 Meditation 添。   不過，如果本身已經好勁玩開愉伽的 JM 就可能覺得佢個啲 Pose 或者 Programme 或者 Instructions 唔夠 Pro 喇。呢個 APPS 只係我自己比較鍾意的一直有做的，出面應該還有更好的。大家可以不妨再 SEARCH 下睇下有冇切合到你地需要架啦。  下一篇： ｢婚前減肥｣階段 － 運動篇(四) 完結篇

炆豬軟骨 腊味炒芥蘭 節瓜什錦炒蛋

今天主人病了，過兩天他又要出行，今晚不如就在家煮個簡單的粥，讓他好好休息一下吧。。。 材料很簡單（二人份量）： (1) 白米 一杯 (2) 干瑤柱 兩粒 (3) 薑 適量 (4) 瘦肉 超市買的美國急凍豬肉一包 做法： A. 先把用清水浸泡 (1)，用熱水浸泡 (2)，各半小時。   B. 把 (3) 切細絲，甚至切粒。 C. 把 (4) 調味，加入切碎的 (3)。 D. 燒滾水，先把已浸的 (2) 放進煱內，待水再滾。 E. 水再滾後，慢火，把混了 (3) 的瘦肉擠成小球狀，放進煱中，大火，再待水滾。   F.  水再滾後，慢火，把已浸泡的 (1) 倒進煱中，大火，再待水滾。 G. 水再滾後，中火，慢煮至合適的稠稀度。 就是這樣喇！   這是一個很簡單的家常粥，不是大廚出馬那些高檔菜館的米芝連。希望唔會失禮大家啦~ 註： －瑤柱先浸水就會稔一點。 －我沒有特意把水的份量寫下，因每人喜歡的稠稀度不同。建議可以由兩小杯的份量開始。中途加水亦可。 －豬肉的調味我一般都用鹽、糖、豉油、豆粉，麻油，水等。大家可以隨自己的口味調教。如果想肉丸滑一點又不想加油的，可以在調味時加一隻雞蛋。 －煮白粥加薑對我來說是的指定動作。因為在中醫的角度，白米煮粥後會令脾胃虛寒的體質不好受，我的中醫多年前已經要我煮白粥時加薑。吃了後胃部就不會再有漲氣的感覺。 －不喜歡加薑的朋友，我一般都是建議吃小米粥比吃白米粥有益。小米的外表是小顆一點的米黃色的，味比白米甜一點香一點。它的營養價值很高，本身已經是建脾益胃食品，煮粥後不會引致胃氣。一般大間小小的超市都有售。 －我很喜歡吃肉丸粥，可是有賣的粥店不多，而有好吃的肉丸的粥店更少，有亦不便宜。但，其實自己動手做一點也不難，就是這樣簡單。就算是我自己生病的時候，煮這個簡單的粥也不難啊～ 註：食譜和照片版權均屬｢幸福小女人｣所有，如欲分享，請 列明出處： ｢幸福小女人｣ 。感謝。

今日好有 MOOD 整嘢食。 下午忙完之後，就拿出我的甜點架生，準備整餅！ 記得對上一次整餅，就係前年主人的生日，整咗一個朱古力慕士蛋糕。主人雖然好鍾意，但之後一直都好多事發生，又搬屋，直至而家。。。 好！嚟啦！ 材料： (1) 低筋麵粉 140g (2)  泡打粉 1/4茶匙   (3) 蛋 3 只 (4) 糖 160g (5) 鹽少許 (6) 檸檬 1 個刨皮   (7) 稙物牛油 50g Icing：   (8) 糖粉 (icing sugar) 40g   (9) 檸檬汁 (1/2 個檸檬份量)   做法： A. 預熱焗爐 170度左右 B. (1) 及 (2) 混合，篩好 C. (3)、(4)、(5) 及 (6) 拌勻 D. 將 C 與 B 混合，拌勻 E. 將 (7) 加進 D，拌勻 F.  放進焗爐以 170 度焗 30 分鐘，以叉子輕輕插進蛋糕看看熟了未 (蛋糕漿沒有黏著 叉子便可) G. 熟了後，蛋糕拿出，放涼 5 分鐘 H. 將 (8) 和 (9) 混合，拌勻，淋在蛋糕上，再放入仍然溫熱的焗爐內半分鐘便可  最後把 Icing 淋上蛋糕面是這個蛋糕的精華所在。加了 Icing 的蛋糕香口可口好多。 如果大家想檸檬味再多一點的，可以再加多一個檸檬的皮。不過記住，刨皮的時候不要刨得太深，如果白色的部份太多的，會有少少苦的感覺架～ 希望大家鍾意啦！ ^-^ 註：食譜和照片版權均屬｢幸福小女人｣所有，如欲分享，請 列明出處： ｢幸福小女人｣ 。感謝。

上幾篇講到減肥一定要做運動同埋要注意健康飲食，RULES 就SET 咗好多喇，咁究竟你喺屋企會做啲咩運動架呢？ 而家我主要都係靠一啲 APPS 去幫我的。分類就正如上篇咁講，有高、中、低份量唔同的，同埋唔同時數的俾我每一日去揀。 P4P 首先，就想介紹一個叫做 Passion4Professional (P4P) 的 APPS。 呢個係一個電話 APPS，P4P 最多人激讚的係佢個 8分鐘 Abs (收肚腩) 的運動。顧名思義，就係只要 每日做 8 分鐘 就可以達到收腹的效果。有冇咁神奇呀？唔信？你可以試下跟住做一次，做完你就明點解每日8分鐘就可以收腹架喇！   佢個 Apps 有一個好好的功能，就係可以俾你以月曆方式記住你每日有冇 LAZY。仲可以 SET ALARM，每日提醒你做。 每日8分鐘，你有冇？ 今次冇藉口喇啩！ 除咗 Abs 之外， P4P 的 Programme 仲有 Chest (練胸肌) 同埋 Butt (收PAT PAT) 的 。Level 1 的都係每個 9分鐘咋。 我就 建議女仔最好每日都做埋 Butt。而男仔就做埋 Chest。 胸肌練大啲，Pat Pat 修緊啲，影PW 都好睇啲、型啲嘛！  上一篇： ｢婚前減肥｣階段 － 運動篇(一) 下一篇： ｢婚前減肥｣階段 － 運動篇(三)

上一次講到 ( 婚禮籌備：第二項 婚戒 (Van Cleef & Arpels ) 我們已經在 VCA 訂了婚戒喇，只等刻名後就可以見到真身。 星期二，VCA 已經打俾我話有得攞喇！不過主人話要等埋佢先可以一齊去攞。。。 。。。等咗成個星期，終於喺尋日，我地就出去攞咗返嚟喇。。。 我同主人都好開心呀！ 你地覺得靚嗎？ ^-^