青紅蘿蔔合掌瓜煲豬𦟌 (附食譜)

上星期入咗好多蔬菜嘅，其中買咗一個「青紅蘿蔔合掌瓜湯包」，加「西班牙無激素豬𦟌」（一包三條，用咗一條），早幾日放假，煲咗一個超甜又簡單嘅湯喇🥰🥰🥰

* 紅蘿蔔：性平，能健脾寬中，化滯，幫助脾胃運化，口乾及食滯皆宜，又能潤燥明目，具有理氣功效。 * 青蘿蔔：性涼，能下氣寬中，化痰消食。

 * 合掌瓜又名佛手瓜：味甘性涼，能理氣和中，清熱潤喉，疏肝止咳，健脾開胃。

這個湯水清熱化痰，適合消化不良及熱咳人士。熱咳者痰黃濃稠，亦會出現喉嚨痛的徵狀。這個湯水基本上一家大小都適合喝，每星期可飲用一次。不過寒咳、感冒、發燒人士不宜飲用架。

做法真係好簡單，因為湯包入面除咗青紅蘿蔔、合掌瓜之外，亦已經包括了蜜棗和南北杏，所以除了豬𦟌之外，都沒有什麼要預備了。

1. 把湯包材料洗乾淨，放一旁瀝乾水。

2. 細煲煲滾水，下一小匙鹽，放入已解涷並洗淨的豬𦟌，中大火再煲約八分鐘出水。煲好後再沖水把表面的污濁物沖走。

3. 湯煲加入大半煲水，大火煲滾後加入 (1) 的湯料及 (2) 的豬𦟌，再大火煲 5-8 分鐘至再滾起，轉中火再煲 15 分鐘。

4. 轉小火再煲一個火小時 (如用 LC 煲可煲一小時後熄火，以煲內熱力繼續加熱半小時)。

5. 一煲鮮甜清潤的湯就已經完成了。