女人仔的小確幸

天氣太熱，冇乜胃口， 今晚就整咗Broken Glass Jelly  同 ｢雞肉鮮果沙律｣。 賞心悅目地食個 light din!     參考做法： 以煮為樂：幻彩硫璃啫喱Broken Glass Jello 材料： 1）啫喱粉4盒 （櫻桃、藍莓、青檸、檸檬口味各一盒，每盒85克；亦可按照個人喜好隨意選擇啫喱粉口味。） 2）魚膠粉1湯匙 3）煉奶1罐（300毫升） 做法： 1）將4種啫喱粉分別倒入四個玻璃容器內，各加入一杯滾水；分別攪勻至啫喱粉完全溶解。稍涼後，放入冰箱冷藏五小時或以上。 2）分別取出已凝固的啫喱，切成不規則的小塊形狀，平均分佈在一個鋪上牛油紙的13吋x9吋長方盤內。 3）將1湯匙魚膠粉以1/4杯冷水浸開，再注入1 3/4杯滾水，攪勻至溶；再加入煉奶拌勻。待涼後，倒在盛滿啫喱碎塊的盤內，放入冰箱一夜。 4）取出後可切成方塊，放入紙杯或盛器內奉客。  

  食一個美麗的早餐心情都好D 

自己好喜歡吃「星加坡辣椒炒蟹 」Chili Crab Singapore Style。 自從三月份在星加坡買了樽 Chili Crab 的醬之後，一直都好想試。 今日終於都有時間，回家前見今天的肉蟹不錯，就買了一只試了。   材料 (二人份)： 新鲜蟹一只，約十至二兩 葱一棵，切段 乾葱兩至三顆，切碎 薑，切片 辣椒酱約100克 鹽、糖、胡椒粉少许 中國白酒少许 水50克 生粉 做法： 1。 蟹洗淨後斬件，抹乾水。沾一沾生粉。 2。(鐯鐵鍋) 冷鍋冷油爆香薑葱，下蟹飛水略炒，盛起。 3。鍋中加入乾葱，辣椒醬及水爆香至混合醬料滾起，加入已飛水的蟹，少許中國白酒，蓋上煲蓋三分鐘。 4。加入鹽、糖、胡椒粉少许調味。 5。混合生粉水埋芡便可。

芝士薯仔燉飯，再加上一個開胃的葡萄醋菇菌。低卡有營又健康。^_^

｢砂鍋雲吞雞｣ 係女人仔好鍾意食的一道菜之一。但出街食的話，兩個人食都嫌太大煲，如果冇五六個人一齊都唔會叫。所以，幾年前，女人仔就已經開始周圍搵一啲家居簡易版。咁，喺屋企食都可以易如反掌咁食到呢一個菜。。。 以前，冬天的時候就真係會用砂鍋去煮的。今時今日，有了這一個心心煲，呢個｢砂鍋雲吞雞｣ 變成了 ｢敗家雲吞雞｣ 之後，左睇右睇都真係覺得好可愛呀~     心心煲 之｢砂鍋雲吞雞｣ 簡易做法（ 預備時間約三十分鐘，烹煮時間約四十五分鐘）： 材料（二人份）-   急涷法國春雞一隻 (先出水) 泰國CP雲吞一包 (八只) (先以清水灼熟至浮起) 菜心四兩 (可轉其他菜) (先以清水灼熟) 雞湯一盒 (小盒) 清水一杯   調味 -  鹽少量 中國白酒、麻油少量(用來吊味，不是必要）   做法 -   １。白法郎煲記住要不需要熱鍋。 ２。凍鍋下雞湯，開中火，蓋上煲蓋。 ３。滾起，轉細火，加上已出水原隻雞隻，加入一杯清水。 ４。轉中火，蓋上煲蓋。 ５。再滾起，轉細火，繼續蓋上煲蓋慢煮三十分鐘至四十五分鐘至雞隻稔熟。 ６。打開煲蓋，加進少許鹽調味至合適味道，下麻油及白酒。 ７。再加進已灼熟之雲吞及菜心，開蓋浸至水再滾起便可。 註：食譜和照片版權均屬｢幸福小女人｣所有，如欲分享，請 列明出處： ｢幸福小女人｣ 。感謝。

睇完晒Ｄ清潔教學、短片、說明書， 放咗喺大廳養咗三日， 今日終於都為我的第一個敗家煲開光喇！^__^ 為咗唔好有ＢＡＤ　ＭＥＭＯＲＩＥＳ， 我第一個用佢嚟煮的菜係 　｢只許成功！不許失敗｣ 嘅。。。 但係，我又唔可以用一Ｄ太簡單的菜為它開光架噃。。。 點都要尊重一下佢家麻。。。 左諗右諗，就用一道自己十多年前已經煮到爛到已經不會再煮的。。。   ｢沙嗲牛肉粉絲煲｣   來做這個開光儀式啦！ 因為仍然仲係趕ＰＲＯＪＥＣＴ階段，冇時間煮第二度菜。 所以今次就簡單Ｄ在粉絲下面加底，加了日本烏冬， 咁。。。就唔使煮飯啦~ ^__^ 俾我諗到用呢一個簡單得不能再簡單的菜嚟為佢開光，  今次仲唔 「真係抵你敗家」 ？   ^__^ 心心煲 之｢沙嗲牛肉粉絲烏冬煲｣ 簡易做法 （ 需時約三十分鐘）： 材料（二人份） 　－　 急凍烏冬一包 粉絲(細)一包浸清水 露荀半包清洗後切段 薄牛片１００克 雞蛋一隻 乾葱、蒜頭、乾辣椒適量切蓉 調味 　－　 油少量 鹽少量 沙嗲醬三湯匙 雞湯一盒(細) 中國白酒、麻油少量(用來吊味，不是必要） 做法　 － １。心心煲是白法郎煲，所以記住要凍油凍煲。先把油加進煲中。才開火慢火煮至筷子見泡泡。 ２。慢火爆香葱蒜乾椒至有香味。 ３。加進露荀略炒、夾起。 ４。把沙嗲醬放進仍有葱蒜乾椒之煲內一同爆香至開始杰身。 ５。加進雞湯，清水，轉中火，蓋上煲蓋。 ６。待醬汁滾起，加烏冬，蓋上煲蓋。 ７。再滾起，轉細火，仍然蓋上煲蓋。 ８。待烏冬七八成熟，打開煲蓋，加進已浸透粉絲，再一片一片牛肉加進排好。 ９。牛肉排好後蓋上數秒，以鑄鐵煲的熱力把粉絲及牛肉略煮。 １０。數秒後熄火，打開煲蓋，放上已爆炒過的露荀，排好，加上生雞蛋。 １１。材料放好後，再蓋上煲蓋數秒以鑄鐵煲的熱力把所有材料熬一下。無需再開火。 １２。當雞蛋的蛋白開始轉白時就可以原煲上枱，如想牛肉或雞蛋再熟一點可以再蓋上煲蓋數秒。記著無需再開火。 註：食譜和照片版權均屬｢幸福小女人｣所有，如欲分享，請 列明出處： ｢幸福小女人｣ 。感謝。

一係就唔敗，一敗就敗到底！ 買得個敗家煲，就要敗婦們一起敗下去！ 哈哈哈哈哈！     今日在敗家谷見到原來敗家始祖之一的偽主婦的新書　｢小廚房煮大餐｣　已經有得賣喇。雖然在趕緊ＰＲＯＪＥＣＴ，都趁ＬＵＮＣＨ　ＨＯＵＲ拿拿臨落去買返本珍藏先！ 點知，原來中環間三聯書店竟然喺我最需要佢的時候大裝修！ 關門大吉！ 要五月底先開返！ ＯＨ　ＭＹ　ＧＯＤ！！！ 咁點算 ？？？ 。。。T___T。。。 七上八落之際就微信主子，將呢個惡耗話過佢聽。。。 ｢主人，女人仔好身吉呀。。。｣ 。。。>___<。。。 加班後，晚上拖住疲累的身軀回到家，都已經唔記得咗件事。。。 點知，主子話我知原來佢收工的時候。。。 特登落咗灣仔的三聯幫我買呀！ \\\\\^0^//// 唔單止呀，佢仲一併買埋敗家始祖之始祖的鬼嫁的 ｢ 好吃鬼主意｣ 俾我， 等我今次可以。。。 一係就唔敗、 一敗就敗到底喇！ 呵呵呵呵。。。

這個心心煲一見鍾情， 昨日假期特地走去SOGO朝聖， 準備下週感謝祭可以來一個火拚！ 看呀看的，原來這個月有 May Special !!! 終於都不能自拔， 宣誓成為了這敗家 教派的門徙了！！！ 好久沒有這種購物的衝動了， 買完後好開心好開心~~~ 整個下午對著主人笑盈盈。。。 回家後 立即 把它開封、擁抱、拍照、三部曲！ 放在餐枱上整整一晚也不願意拿開~~~   走過看見又抱它一抱~~~ 實在是太美了~~~ 爬了所有清潔護理的文章， 再上專頁看一看第一次使用前要點。。。 **********   主人問我打算以什麼菜色為它開光。 我又不想太複雜 (怕烹煮會失敗) 又不想太簡單 (怕對它會失敬) 左想右想。。。  仍在構思當中。。。 伸延閱讀：  Le Creuset Hong Kong Le Creuset 白琺瑯 鍋子的使用和保養

看完朋友分享的這文章, 有感而發. 希望大家就讓我發一次顛. 以後會盡量避免... ^-^ ---------- 2008 年的8月, 當我在台灣出差從講台上跌下受傷回來後, 同時間的體檢出了一個比一個嚴重的問題後, 我有了很深的體會, 我知道了生命真的是很脆弱.   那時, 我就已經領悟了文中所說的那五件事...   所以, 當時就不理老闆主管甚至總裁等多番的遊說, 一意孤行地辭了當年的工作, 和聰聰一起過我們的生活. 那時, 很多人都說我好笨, 有錢都不要...   那些年, 很多朋友, 真的有很多很好的朋友陪我渡過了很辛苦的, 患病臥床的日子. 當然還有我最可愛, 最愛我的大兒子聰聰每天為我憂心忡忡. 記得那時每週都要勞動朋友們為我買柴買米. 記得朋友們會輪班來扶我走下山蹣跚到超市買日用品. 朋友們又會請假陪我看醫生, 一次又一次令人失望又失望的覆檢. 朋友們都超疼我. 只要我在面書偶爾發一下嗔, 朋友們就會媽咪麵聖誕樹的統統都給我搬來. 我說臥病很悶的他們就給我叫來一大群朋友開聖誕聯歡. 記得山洪暴發時朋友們知道就怱怱下班趕過來給我挖泥至半夜.   我學懂了什麼叫珍惜. 我學懂了生命的可貴. 亦因此我對生命是如此執著... 直至我自己慢慢康復... 雖然今時今日聰聰已經離開了我, 但, 至少在他生命中最後的5年我都可以有很多時間陪著他, 我並沒有比他早死. 雖然我自己能夠康復也一直奢望聰聰都可以和我一樣康復, 但他決意要先去為我打點這項我就由得他, 畢竟他聽我話已經很多年, 這次就讓他... 現在, 我的生活之中還有主人和思思, 還有很多很多朋友, 新的朋友, 舊的朋友, 很多很多, 有些已經沒有聯絡了但我統統都不會忘記.   我覺得我沒有繼續那一份工作的確賺少了很多很多的錢, 失去了對很多人很重要的社會地位. 但, 五年來, 我仍然都覺得我賺的比我失去的多. 我賺到了很多友誼, 很開心的生活, 我換回我的健康, 我有能力去享受現在, 和將來, 我可以做自己喜歡的事, 可以做有意義的事, 我賺回自己的人生, 我不需要再為別人而活...   假如, 我現在就要死, 我會很開心笑著的跟自己說, 我今生無悔!   (註: 我並沒有打算去死, 你們千...

過咗個半月，終於都收拾心情，將聰聰放咗喺我心的最深處。 跟住落嚟，我同主人將會從新上路。下一個大 PROJECT，就係拖咗好耐，主人決定要全速前進，唔俾我再拖的結婚 PROJECT喇！  ----------  為咗等我可以繼續忙，冇時間胡思亂想，主人已經搵咗 WEDDING ABROAD 為我地安排咗喺嚟緊嘅 9月，兩個人靜靜地喺 BALI ( 峇里 ) 旅行結婚。  我地揀咗位於 Bali 的 Uluwatu 區的 Dewa &Dewi Chapel。。。 Dewa & Dewi Chapel 於2012年建成，坐落喺Uluwatu 30米高面對印度洋的懸崖上。教堂以女神及神聖的的 Dewa 及 Dewi 命名，象徵 ｢愛與天堂｣ 。在這裡行禮，除了會有震撼心弦的難忘景緻之外，亦見證了至死不渝的愛情象徵。 有親友都會問，你們就這樣靜靜地結婚不會感到孤獨嗎？會不會不夠熱鬧呢？ 其實，以我們的一把年紀，以我們招呼眾生老闆客戶的數十寒暑，自己作為一個婚姻監禮人的身份，曾經每天為眾多人士證婚的人，我們真的很想很想有一個好寧靜完全屬於自己的一個婚禮。 眼見很多朋友為了辦婚禮順應各大長老的意願而傷感情吵吵閙閙，我們真的覺得是不是就是因為傳統因為大家喜歡熱鬧 (註： 我和主人都是愛靜的人) 而要自己的婚禮變得熱鬧、而因為要順應大家的要求而多翻遷就呢？ 幸好，我們雙方的長老都十分明白事理，十分體諒並接納我們的意願。這福氣，真是難得。